Şirvan Apellyasiya Məhkəməsi çərşənbə günü “Kür” vətəndaş cəmiyyəti qərargahının fəalı, iki il müddətinə həbs edilmiş İlham Əmiraslanovun şikayətinə baxıb.
Bu il sentyabrın 13-də Əmiraslanov Sabirabad rayon məhkəməsi tərəfindən qanunsuz silah saxlamaq (221.1-ci maddə) ittihamı ilə həbs edilib. Baxmayaraq ki, məhkəmədə o özü və şahidləri silahın onun üzərinə qəsdən atıldığını bildiriblər, onu isə işgəncə altında etirafedici ifadələr verməyə məcbur ediblər. Həkimlər də Əmiraslanovun iki qabırğasının sındırıldığını və qulaq pərdəsinin zədələndiyini təsdiq ediblər.
Hakim Əhməd Nurməmmədovun sədrliyi ilə keçirilən bugünki prosesdə ATƏT-in, QHT-lərin və siyasi partiyaların müşahidəçiləri iştirak ediblər.
Hakim müdafiə tərəfin Əmiraslanovun həbsi və evində axtarış aparılması haqqında onun saxlanılmasından dərhal sonra İctimai TV-də nümayiş etdirilmiş süjetin istintaq materiallarına əlavə edilməsi haqqında vəsatətini təmin edib. Həmçinin, Əmiraslanovun evində axtarış zamanı həvəskar kamera ilə çəkilmiş videogörüntülərin də işə əlavə edilməsi haqqında vəsatət də təmin edilib.
Hakim həmçinin növbəti iclasda (12 dekabr) həbs iştirakçılarının – Sabirabad rayon polis şöbəsinin keçmiş rəis müavini Rauf Məcidovun və DİN-in mütəşəkkil cinayətkarlığa qarşı mübarizə idarəsinin Səid adlı keçmiş əməkdaşının ifadələrini dinləmək qərarı qəbul edib.
Qeyd edək ki, vəzifəsi yüksəldilən Məcidov Əmiraslanovun işinin saxtalaşdırılmasında fəal iştirak edib və güc tətbiq edib. -0-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz