![Külli miqdarda dələduzluq edən qrup ifşa olunub](https://turan.az/resized/media/2012/main/112100018889-750-500-resize.webp)
Külli miqdarda dələduzluq edən qrup ifşa olunub
Azərbaycan Milli Təhlükəsizlik Nazirliyi (MTN) ayrı-ayrı vətəndaşların etibarından sui-istifadə etmə və aldatma yolu ilə onlara məxsus külli miqdarda əmlakı ələ keçirmək məqsədilə dələduzluqla məşğul olan mütəşəkkil dəstənin ifşa edildiyi barədə məlumat yayıb.
MTN-in İctimaiyyətlə Əlaqələr Mərkəzindən verilən məlumata görə, mütəşəkkil qrup Azərbaycan vətəndaşları İlham Cəfərov, Əhliman Məmmədov, Eyvaz Bayramov, Natiq Əsədov, Talıb Cabbarov, Samir Məmmədov və başqaları tərəfindən yaradılıb.
İstintaq tərəfindən müəyyən edilib ki, Cəfərov və Məmmədov birlikdə cinayət əməllərini həyata keçirmək məqsədilə 2011-ci ilin oktyabr ayında kəndli və fermer təsərrüfatının inkişafı məqsədi ilə uzunmüddətli güzəştli kreditlər vermək adı ilə “Azərbaycan Respublikası Nazirlər Kabineti yanında İqtisadi İnkişaf Birliyi” adlı saxta təşkilat yaradıblar.
Saxta sənədlərdə Cəfərov özünü “Hacıyev A.Ş” adı ilə “Nazirlər Kabinetinin İcra Aparatının rəhbəri” kimi qələmə verib və mütəşəkkil dəstənin digər rəhbəri Əhliman Məmmədov vasitəsi ilə müxtəlif fiziki şəxslərə təqdim olunub, bu sahədə müəyyən təbliğat işləri də aparıb.
Bu yolla İlham Cəfərov və Əhliman Məmmədov həmin şəxslərə yalan vədlər verərək, onların etibarlarından sui-istifadə etmə və aldatma yolu ilə külli miqdarda əmlaklarını ələ keçirməklə öz aralarında bölüblər.
Bir müddətdən sonra İlham Cəfərov və Əhliman Məmmədov əmlaklarını aldatma yolu ilə mənimsədikləri vətəndaşların narazılıq etdiklərini görüb onları inandırmaq məqsədilə əlavə daha bir saxta qurum – “Azərbaycan Respublikası Nazirlər Kabineti yanında Kreditləşmə Mərkəzi Fondu»nu yaradıblar.
Bu dəfə dəstə üzvləri, o cümlədən İlham Cəfərov özünü «Abbasov Nəriman Zülfüqar oğlu» adı ilə həmin saxta fondun prezidenti, Əhliman Məmmədov özünü vitse-prezidenti, Eyvaz Bayramov isə özünü eksperti kimi təqdim ediblər.
Bundan başqa, onlar Bakıda və ölkənin 9 regionunda bu saxta “fondun” “filiallarını” yaradıblar.
Sonra Əhliman Məmmədov və İlham Cəfərov 2012-ci ilin mart ayında Natiq Əsədovu, Talıb Cabbarovu və Samir Məmmədovu saxta “Kreditləşmə Mərkəzi Fondu”nun fəaliyyəti barədə təlimatlandırıblar və guya, Talıb Cabbarovu həmin qanunsuz təsisatın mütəxəssisi, Natiq Əsədovu Beyləqan regional şöbəsinin rəisi, Samir Məmmədovu isə sürücü vəzifələrinə təyin ediblər.
Daha sonra qrup üzvləri müxtəlif vətəndaşlara guya uzunmüd-dətli güzəştli kredit verəcəklərini yalandan vəd edərək, təkrarən dələduzluq etmək-lə onların müəyyən məbləğdə pullarını ələ keçirib mənim-səyiblər.
Bundan başqa, qrup üzvləri vətəndaşlardan pul alaraq, onlara gəlirli vəzifələr vəd ediblər.
Qrup ümumilikdə vətəndaşlara 215 min manat ziyan vurub.
Faktla bağlı MTN-in Baş İstintaq İdarəsində Cinayət Məcəlləsinin 178.3.1, 178.2.2 və 178.3.2-ci (dəlduzluq, yəni mütəşəkkil dəstə tərəfindən təkrar törədilməklə etibardan sui-istifadə etmə və ya aldatma yolu ilə külli miqdarda ziyan vurmaqla özgənin əmlakını ələ keçirmə) maddələri ilə cinayət işi başlanılıb. Məhkəmənin qərarı ilə yuxarıda adı çəkilən şəxslər həbs edilib.
MTN sözügedən şəxslərin hüquqazidd əməl--lərindən zərər çəkmiş digər vətəndaşlara Milli Təhlükəsizlik Nazirliyinin ərazi orqanlarına müraciət etməyi təklif edir. -06D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz