Əvəz Zeynallı: Mən Ramiz Mehdiyevin sifarişi ilə həbs olunmuşam

Bu gün Ağır Cinayətlərə dair İşlər üzrə Məhkəmədə “Xural” qəzetinin həbsdə olan redaktoru Əvəz Zeynallının işi üzrə proses davam edib.

Zeynallı ona qarşı əsas şahid olan keçmiş deputat Gülər Əhmədova məhkəməyə gəlmədən ifadə verməkdən imtina edirdi. Bu gün Zeynalov Əhmədovanın hərəkətlərini dövlətə çağırış kimi qiymətləndirib, prokuroru və hakimi şahidin prosesə gəlməsini təmin etmək iqtidarında olmamaqda ittiham edib.

Noyabrın 20-21-də verdiyi ifadələrdə Zeynallı bildirib ki, onun həbsi və “Xural” qəzetinin bağlanması hakimiyyətin müstəqil mətbuatın aradan qaldırılması üzrə məqsədyönlü siyasətinin nəticəsidir.

Zeynallının sözlərinə görə, hakimiyyət əvvəlcə onunla razılığa gəlməyə çalışıb, amma bu alınmadıqda, təxribatlara və açıq-aşkar təzyiqə əl atıb. O hesab edir ki, həbsinin arxasında prezident administrasiyasının rəhbəri Ramiz Mehdiyev durur.

Rüşvət alması ittihamına gəlincə, 2001-ci ilin avqustunda Gülər Əhmədova özü onun görüşünə gələrək, onun əleyhinə materiallar dərc etməməsi üçün pul təklif edib.

Zeynallı qeyd edib ki, Əhmədovadan heç bir pul almayıb. Bundan başqa, o, öz qəzetində və digər KİV-lərə müsahibəsində Əhmədovanın onun yanına gələrək, rüşvət təklif etdiyini bildirib

Sabah proses davam etdiriləcək. -06D-