Enerji səmərəliliyi üzrə konfrans Azərbaycan energetikasının zəif yerlərini üzə çıxardı

Dövlət strukturlarında enerji cəhətdən səmərəli texnologiyalar geniş tətbiq edilməlidir ki, başqa sahələrdə də yayılsın. Bu barədə dünən "Enerji səmərəliliyi: iqtisadi və institusional aspektlər və perspektivlər" konfransında Alternativ və Bərpa olunan Enerji Mənbələri üzrə Dövlət Şirkətinin direktor müavini Cəmil Məlikov bildirib. 

Azərbaycan hər zaman karbohidrogenlərlə zəngin olub, indi də potensial yetərincədir. Buna baxmayaraq, ölkə rəhbərliyi hökumətin qarşısına alternativ energetikanın inkişafı vəzifəsini qoyub. 

"2004-cü ildə Azərbaycanda alternativ energetikanın inkişafı dövlət proqramı qəbul edilib. 2009-cu ildə Sənaye və Energetika Nazirliyində müvafiq dövlət agentliyi yaradılıb. 2012-ci ilin iyununda  agentliyin əsasında Alternativ və Bərpa olunan Enerji Mənbələri üzrə Dövlət Şirkəti yaradılıb", - deyə Məlikov bildirib.

Ai-nin Azərbaycan katibliyinin birinci katibi, energetika üzrə müşavir Edita Novak  2020-2030-cu illərdə Avropada alternativ energetikanın və enerji səmərəliliyinin inkişafı planlarından danışıb. O qeyd edib ki, 2020-ci il üçün alternativ energetikanın payını 20%-ə çatdırmaq mümkün olmayacaq. Aİ-də bunun üçün əlavə səylər lazımdır. 

Konfransda məlumat verilib ki, Avstriya enerji səmərəliliyi sahəsində yüksək nəticələr əldə edib. Hesablamalar göstərir ki, yüksək iqtisadi inkişaf tempinə baxmayaraq, 2050-ci ildə bu ölkə 2005-ci ildəki qədər enerji sərf edəcək. 

Azərbaycan qədər ərazisi və əhalisi olan Avstriya enerji istehlakını kəskin azaltmağa ehtiyac duymur. 

Sənaye və Energetika Nazirliyinin şöbə rəisi Tahir Cəfərov məlumat verib ki, indi "Azərenerji" sistemində 1 kVt/saat elektrik enerjisi istehsalı üçün 313,8 qram şərti yanacaq işlənir. 2007-ci ildə bu göstərici 353 qram idi. 

Onun sözlərinə görə, son 5 ildə elektrik enerjisi istehsalı zamanı şərti yanacağa qənaət ildə 1,7 mln tondur. Amma İES-lərdə elektrik enerjisi istehsalı üçün ildə 5 mlrd m3 qaz yandırılır. 

"Perspektivdə Azərbaycanda alternativ mənbələr hesabına elektrik enerjisi istehsalı 2,6 mlrd kVt/saata çatacaq. Bu, iqtisadiyyat üçün əlavə 1 mln ton şərti yanacaq deməkdir", - deyə Cəfərov bildirib. 

Bu gün ölkənin enerji gücü 6400 MVt-dir, gələcəkdə Azərbaycan ildə 8-10 mlrd kVt/saat elektrik enerjisi ixrac edə bilər. 

Cəfərov həmçinin deyib ki, ölkənin enerji sistemində hələ də itkilər var: 2011-ci ildə elektrik ötürücü xətlərdə (EÖX)o 4,59% (2010-cu ildə  4,79%), paylayıcı şəbəkələrdə 16%, elektrik stansiyalarında 1% olub. Bu, Avropa ölkələrindəkindən bir neçə dəfə çoxdur. 

2005-ci ildən Azərbaycan yeni elektrik stansiyalarının və  EÖX-lərin yaradılmasına, paylayıcı xətlərin yenilənməsinə 3 mlrd avro xərcləyib. 

* Konfransı Azərbaycan Respublikasının Prezidenti yanında Strateji Araşdırmalar Mərkəzi və Qara Dəniz Beynəlxalq Araşdırmalar Mərkəzi təşkil edib. -12С--