Cümə axşamı Bakı Apellyasiya Məhkəməsində Sahibxan Mirzəyevin sədrliyilə AXCP sədrinin müşaviri Məmməd İbrahimin şikayəti üzrə ilkin iclas keçirilib.
M.İbrahim ötən il sentyabrın 30-da xuliqanlıq ittihamı ilə (maddə 221.1) (şikayəti keçmiş AXCP üzvü Mikayıl Quliyev verib) həbs olunub. Sonradan bu maddə daha ağır ittihama – 221.2.2-ci maddəyə (silah qismində istifadə olunan əşya tətbiq etməklə xuliqanlıq) tövsif edilib.
Martın 15-də Nərimanov Rayon Məhkəməsi onu təqsirli bilərək 3 il azadlıqdan məhrum edib.
M.İbrahim cəzasının 1/3 hissəsini çəkməsilə əlaqədar cəzasının yumşaldılması və məntəqə tipli koloniyaya köçürülməsi ilə bağlı məhkəməyə müraciət edib. Ancaq noyabrın 25-fə Suraxanı Rayon Məhkəməsi vəsatəti təmin etməyib. Məhkəmə bu qərarı onunla əsaslandırıb ki, M.İbrahim məhbuslar arasında özünü “səmimi aparmır”.
Bu gün vəkil Yalçın İmanov Apellyasiya Məhkəməsi qarşısında vəsatət qaldırıb ki, həmin məhkumların şəxsiyyəti müəyyən edilsin və şahid qismində məhkəməyə çağırılaraq M.İbrahimin “qeyri-səmimiliyinin nədən ibarət olması” soruşulsun.
Vəsatət təmin edilməyib və şikayətə mahiyyəti üzrə baxılması dekabrın 29-na təyin olunub. Bu barədə Turan-a vəkil Y.İmanov bildirib.
Hüquq-müdafiə təşkilatları M.İbrahimi siyasi məhbus kimi tanıyıblar.B06 –
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz