Bakı Dövlət Layihə İnstitutu cümə axşamı “Bakı şəhərinin ərazisindən istifadə və zonalaşdırılması planı”nı (Baş plan) təqdim edib.
Layihəyə əsasən Bakı və Abşeron 9 zonaya bölünür: Cənub, Şimal, Şərq, Mərkəzi və beş periferiya.
Hər zonanın öz mərkəzi olacaq. Plan 248 min hektar sahəni əhatə edir.
Baş planın 2035-ci ilədək planlaşdırılması nəzərdə tutulub və astronomik məbləğ - 283,97 mlrd. manat həcmində dəyərləndirilir. Həmin vəsaitlərin mənbəyi göstərilməyib.
Planda nəzərdə tutulub ki, 2035-ci ilədək paytaxtın mənzil fondunun sahəsi 97,78 mln./kv. metr təşkil edəcək.
Bakı Dövlət Layihə İnstitutunun direktoru İlqar İsbatov bildirib ki, layihənin gerçəkləşdirilməsi ilə əlaqədar Bakıda 122 min bina söküləcək və köçürüləcək.
“Binaların sökülməsi bütün paytaxt ərazisində hər yerdə aparılacaq”, - o bildirib.
İ.İsbatov deyib ki, “müəyyən vaxtdan sonra” “xruşovka”lar da sökülə bilər, ancaq ilk növbədə 1-2 mərtəbəli evlər söküləcək.
Baş plan ikinci dairəvi yolun inşasını nəzərdə tutur ki, bu da Bakı-Sumqayıt trassını birləşdirəcək.
Dairəvi yolun inşası şimal zonası ərazisində planlaşdırılır ki, buranın mərkəzi Maştağa qəsəbsi olacaq.
İ.İsbatov deyib ki, Maştağa qəsəbəsilə bağlı “Sakit şəhər” konsepsiyasının reallaşdırılması nəzərdə tutulur, ancaq bunun nə olduğunu açıqlamayıb.
Eyni zamanda Abşeronda kənd təsərrüfatı obyektlərinin yaradılması və kənd təsərrüfatı ehtiyacları üçün torpaq sahəsinin saxlanması planlaşdırılır.
Cənub zonası çərşivəsində Ələt qəsəbəsində “Ağıllı şəhər”in, nəqliyyat qovşağının, həmçinin biznesin idarə edilməsi üzrə ixtisaslaşdırılmış universitetin yaradılması təklif edilir.
İ.İsbatov “Ağıllı şəhər”in nə olduğunu açıqlamayıb.
Baş planda Ələt qəsəbəsində 200 min nəfər əhalisi olan regional mərkəzin yaradılması təklif edilir.
Bununla yanaşı kənd təsərrüfatının və aqroturuzmin inkişafını nəzərə alaraq Mərdəkan və Hövsan qəsəbələrində universitet şəhərciklərinin yaradılması nəzərdə tutulur.
Baş planda Ələt qəsəbəsində yeni sərnişin aeroportunun yaradılması planlaşdırılır.
İ.İsbatov bunun turizmin inkişafı, Ələtdə azad ticarət zonasının yaradılması ilə əlaqədar olduğunu bildirib.–71D-
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz