1 saylı İnzibati-İqtisad Məhkəməsində hakim Tahirə Əsədovanın sədrliyi ilə Demokratik Təşəbbüslər İnstitutunun (IDI) Ədliyyə Nazirliyinə qarşı iddiasına məhkəmə baxışı olub. Məhkəmə iddianı təmin etməyib.
Demokratik Təşəbbüslər İnstitutu bir qrup hüquqşünas və ictimai-siyasi xadim tərəfindən 5 noyabr 2013-cü ildə təsis edilib. Təşkilatın sədri Mərkəzi Seçki Komissiyasının (MSK) üzvü Akif Qurbanov seçilib. IDI-nin məhkəmədə iddia qaldırmasına səbəb 3-cü dəfə müraciət etməsinə baxmayaraq, Ədliyyə Nazirliyinin təşkilatı qeydiyyata almaqdan imtina etməsi olub.
Akif Qurbanov bildirib ki, məhkəmə iddianı hansı səbəbdən təmin etməməsi ilə bağlı hər-hansı bir əsaslandırma ifadə etməyib. “Məhkəmənin Ədliyyə Nazirliyinin qanunsuz mövqeyinə haqq qazandırması IDI-nin qeydə alınmamasının siyasi səbəblərlə bağlı olduğunu bir daha sübut edir. Nazirlik və məhkəmə ölkə konstitusiyasını və beynəlxalq konvensiyaları pozaraq, siyasi sifariş əsasında qərar verib”.
A.Qurbanov deyib ki, siyasi diskriminasiya və hüquq pozuntusuna qarşı fəaliyyətini davam etdirəcək və yaxın günlərdə yuxarı instansiya məhkəməsinə şikayət verəcək. -03D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz