Şüvəlan istintaq təcridxanasında bloger Mehman Hüseynovun anasına oğlu ilə görüş verməyiblər, bu barədə Turan-a vəkil Elçin Sadıqov bildirib.
"Mehman üçün bağlama qəbul olunsa da, ananın oğlu ilə görüşünə icazə verməyiblər", deyə vəkil bildirib.
Vəkil istintaq təcridxanası əməkdaşlarının məhkəmədən icazə təqdim etmək tələbini qanunsuz adlandırıb. Bu, "Azadlıqdan məhrumetmə yerlərində saxlanılan şəxslərin hüquq və azadlıqları" haqqında qanuna ziddir.
Görüş məhdudiyyətini yalnız cinayət təqibi həyata keçirən orqan tətbiq edə bilər. Belə bir qadağa yoxdursa, görüş verməkdən imtina qanunsuzdur.
Çünki qanuna əsasən, məhbus həftədə bir dəfə öz qohumları ilə görüşə bilər.
Bu qanunsuz qadağa davam edərsə, vəkil müvafiq hüquqi addımları atacaq.
Reportyorların Azadlıq və Təhlükəsizlik İnstitutunun direktoru Mehman Hüseynov Nəsimi Rayon polis idarəsinin rəisi Musa Musayevin şikayəti əsasında diffamasiya ittihamı ilə iki il müddətinə azadlıqdan məhrum edilib. İddia üçün bəhanə blogerin Nəsimi Rayon polis idarəsində ona işgəncə verildiyi haqqında bəyanatları olub. - 03C06-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz