Bu gün Bakı Ağır Cinayətlər Məhkəməsində jurnalist Rasim Əliyevin ölüm işi üzrə proses davam edib.
Müttəhimlər kürsüsündə Elşən İsmayılov, Camal Məmmədov, Arif Əliyev, Kənan Mədətov, Samir Mustafayev əyləşib.
İclas zamanı mərhumun anası Teyfurə Əliyeva çıxış edib. O, jurnalistə hücuma təhqiramiz ifadənin səbəb olması barədə müttəhim Elşən İsmayılovun fikrilə razılaşmayıb.
Bir jurnalist kimi Rasim Cavid Hüseynovun xoşagəlməz davranışından qəzəblənib və belə bir adamın beynəlxalq arenada onun ölkəsini təmsil etməsini istəməyib.
T.Əliyevanın sözlərinə görə, onun oğlu məkrli planın qurbanı olub. Çünki onu aldadaraq görüşə çağırıblar. Bir neçə ağır zərbə nəticəsində Rasimin daxili orqanları zədələnib və o, yerindəcə ölə bilərdi. Bir neçə amansız zərbədən sonra xəstəxanaya yerlədirilib.
Rasimin ölümünə görə onu döyənlər, həmçinin həkimlər məsuliyyət daşıyır. Ana müttəhimləri yalan danışmaqda, günahı Rasimin və həkimlərin üzərinə atmaqda ittiham edib.
T.Əliyeva əmindir ki, onun oğluna hücumu futbolçu Cavid Hüseynov təşkil edib və o, özünü təqsirkar bilmir.
(Xatırladaq ki, C.Hüseynovun barəsində cinayət işi ayrıca icraata verilib və o, ancaq cinayəti bilib xəbər verməməkdə ittiham olunur).
Müttəhimlər yekun sözdən imtina edərək buna hazır olmadıqlarını bildiriblər. Onların vəkilləri replika hüququndan istifadə edərək Rasim Əliyevin həkimlərin günahından öldüyünü bildiriblər. Proses martın 17-də davam edəcək.
* Rasim Əliyev 2015-ci il avqustun 8-də 5-6 nəfər idmançı tərəfindən döyülüb. Növbəti gün xəstəxanada daxili qanaxmadan ölüb. Onu döyənlər həbs olunublar. Hücuma səbəb jurnalistin Facebook-da tanınmış futbolçu Cavid Hüseynovun hərəkətlərinə narazılığını bildirməsi olub. Jurnalistə hücum edənlər tənqidə görə dost və qohumlarının qisasını alıblar. Əsas günahkar Cavid Hüseynov hazırlanan cinayət haqda xəbər verməməkdə ittiham olunur. Ancaq zərərçəkən tərəf və Rasim Əliyevin həmkarları onu cinayətin təşkilatçısı hesab edirlər.-06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz