Rəsmi qəzetlər dövlət başçısı İlham Əliyevin London Yay Olimpiadasında iştirak etmiş idmançılarla görüşü, onların qarşısında çıxış etrməsi haqda yazır.
Bu qəzetlər zabit Ramil Səfərovun məhbusluqdan azad olunması məsələsinə geniş yer veriblər. Bu qəzetlər erməni zabitini qətl etdiyinə görə Macarıstanda bir müddət həbs çəkən, bu günlərdə Azərbaycana ekstradisiya edilən və əfv olunan zabit Ramil Səfərovun azad olunmasını böyük diplomatiki qələbə kimi dəyərləndirirlər.
“Azadlıq” qəzeti dövlət başçısı İlham Əliyev üçün Gədəbəy və Qəbələdə yeni iqamətgah tikilməsi səbəbilə Qəbələnin Küsnət kəndinin köçürüləcəyini manjetə çıxarıb.
Qəzet yeni “Press köşk”lərin monitorinqini keçirən jurnalist qrupunun bu köşklərin daha çox ərzaq mağazaları kimi fəaliyyət göstərdiklərini təsdiqlədiyini qeyd edir.
Ölkə iqtidarının beynəlxalq müsbət imic üçün xərclədiyi pulları səmərəsiz sayan general Vidadi Mirkamal “iqtidar üçün ən böyük reklam həyata keçirəcəyi demokratik islahatlar ola bilər” mövqeyi ifadə edib.
ADP sədri Sərdar Cəlaloğlu qəzetə şərhində iqtidar mənsublarının 48 milyard vəsaiti ölkədən çıxarmasını “Qarabağın işğalından da betər” adlandırıb.
Ölkənin ictimai-siyasi gündəmini qəzetə şərh edən AXCP sədri Əli Kərimli “ölkədə həddən artıq irimiqyaslı oğru iqtidar olduğunu” deyərək, “gündəmdə rejim dəyişikliyi olmalıdır” mövqeyi ifadə edib.
“Yeni Müsavat” qəzeti Azərbaycan zabiti Ramil Səfərovun dövlət başçısı İlham Əliyevin fərmanı ilə azad olunması ilə bağlı jurnalist Xədicə İsmayılın “o mənim qəhrəmanım deyil” mövqeyinə görə sosial şəbəkələrdə polemikanın qızışdığını bildirir.
Qəzet zabit Ramil Səfərovun əfv edilməsinə görə rəsmi Bakını qınayan ABŞ-ın terrorçu Varuyan Karapetyanı əfv etdiyini nəzərə çatdırır.
Qəzetin yazdığına görə, erməni tərəf Ramil Səfərovun terror edilməsi çağırışı edib və ekspertlər bu çağırışı ciddi qarşılayıblar.
Qəzet İran hüquq-mühafizə orqanlarının köynəyinə “mən bir türkəm” sözləri yazdığına görə Güney Azərbaycan milli fəalını həbsə aldığını yazır.
Cəmiyyət
-
Bu gün, yanvarın 6-da Azərbaycanda 23 gün sonra keçiriləcək bələdiyyə seçkiləri ilə əlaqədar seçkiqabağı təşviqata start verilir. İndiyə kimi 16 min 174 nəfərin namizədliyi qeydə alınıb. Bu barədə Mərkəzi Seçki Komissiyasının (MSK) sədri Məzahir Pənahov yanvarın 6-da seçkilərlə bağlı iclasda bildirib. Onlardan 8 min 429 nəfəri 23 siyasi partiyanı təmsil edir.
-
Dövlət Sərhəd Xidmətinin məlumatına görə, əməliyyat-axtarış tədbirləri zamanı Azərbaycana 700 qram tiryək, 13 mindən çox Preqabalin- 150 həbinin və 600 ədəd Metadon-40 həbinin keçirilməsi cəhdinin qarşısı alınıb. Bunun harada və nə vaxt baş verdiyi açıqlanmır.
-
Yanvarın 7-də paytaxtda gün ərzində yağıntı gözlənilmir. Axşam saatlarında bəzi yerlərdə yağış yağacağı gözlənilir. Şimal-şərq küləyi cənub-şərq küləyinə keçəcək.
-
Hazırda Çin, Qazaxıstan və Rusiyada metapnevmovirus - kəskin respirator virus infeksiyaları üzrə qeyri-stabil epidemioloji vəziyyət müşahidə olunur. Onun sinmptomlrı öskürək, burun tutulması, burun axması, hərarətin yüksəlməsi, nəfəs darlığı, səsin boğulmasıdır.
Rəy yaz