Rəsmi qəzetlər dövlət başçısı İlham Əliyevin Mingəçevir şəhərinə səfəri barədə yazıları, bəzi məcəllə və qanunlara dəyişiklərlə bağlı rəsmi sənədlərin mətnlərini ulk səhifələrdə dərc ediblər.
“Azadlıq” qəzeti borclarını qaytarmaq istəyən tikinti şirkətlərinə tikinti materialları şirkətlərinin manatın ucuzlaşmasını nəzərə almaları tələbinin bu sahədəki inhisarçı oliqarxlar arasında qarşıdurma yaratdığını iddia edir və məsələnin PA səviyyəsində müzakirə olunduğunu bildirir.
Qəzet manatın devalvasiyası ilə bağlı Milli Şuranın martın 15-də “Talançılığa son” şüarı altında aksiya keçirmək qərarı verdiyini nəzərə çatdırır.
Qəzet qeyd edir ki, manatın devalvasiyası ilə bağlı fevralın 28-də Bakı və Lənkəranda etiraz aksiyaları keçirilib.
Qəzetə şərh verən ekspertlər neft gəlirlərinin kəskin azaldığı indiki halda qeyri-neft sektorunu inkişaf etdirmək əvəzinə 2014-cü il illə müqayisədə rəsmi Bakının bu il bu sahəyə investisiya qoyuluşunu 45% azaltdığını bəyan edirlər.
Keçmiş əmək naziri Füzuli Ələkbərovun prezidenti olduğu Cüdo Federasiyasının maaşları yubatmasına etiraz aksiyası ilə cavab veriblər.
“Yeni Müsavat” qəzeti Rusiyanın Azərbaycana qarşı Avrasiya İttifaqına daxil olmaq və Ermənistanla quru əlaqəsini təmin etmək planını işə salmasını önə çəkərək bunu “Kremlin Azərbaycanın “Qərb qapısı”nı bağlaması” adlandırır.
Qəzetin yazdığına görə, bu il fevarlın 21-də yağan qardan bu yana Neftçala rayonunun kəndlərinin 80%-i işıqsız qalmaqda davam edir.
Hüquq müdafiəçisi Taleh Xasməmmədovun həbsinə toxunan hüquq müdafiəçiləri bu həbsə görə Göyçay rayon icra başçısı Mübariz Ağayevi birbaşa ittiham ediblər.
KXCP sədri Mirmahmud Mirəlioğlu iqtidar və müxalifət təmsilçiləri arasında növbəti görüşün nəzərdə tutulan aprel ayından daha tez baş verə biləcəyini deyib.
Manatın devalvasiyası ilə bağlı ölkənin bank sistemindəki duruma toxunan qəzet ucuzlaşa biləcəyi üçün manatla kredit verməkdən imtina edildiyini, dollarla götürülən kreditlərin qaytarılması qaydasının hələ də aydın olmadığını bildirir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz