Rəsmi və iqtidaryönlü qəzetlər dövlət başçısı İlham Əliyevin BP şirkətinin icraçı direktorunun başçılıq etdiyi nümayəndə heyətini qəbul etməsi xəbərini ilk səhifələrə çılxarıblar.
“Azadlıq” qəzeti. Aparıcı müxalifət partiyası AXCP-nin Ali Məclisi sessiyasında İlham Əliyevin legitmliyini tanımadığını bəyan edib.
Az-çox müstəqil fəaliyyət göstərmək istəyən vətəndaş cəmiyyəti institutlarına prezident seçkilərindən sonra başlanan hücumları beynəlxalq media “seçkidən sonra güclü repressiya” adlandırır.
Politoloqlar bütün Rusiya boyu azərbaycanlılara olan təzyiqləri Azərbaycanı Kremlin layihəsi olam Gömrük İttifaqına girməyə məcbur etmək vasitəsi sayırlar.
Deputat, Vətəndaş Həmrəyliyi Partiyasının sədri Sabir Rüstəmxanlı ona olan hücumlarla, qardaşı Şahbaz Xuduoğlunun rəhbərlik etdiyi “Qanun” Nəşriyyat Evinə olan basqının eyni mərkəzdən idarə edildiyini bəyan edib.
Qəzetin iddiasına görə, fövqəladə hallar naziri Kəmaləddin Heydərova bağlı iqtidardakı şəbəkə dağıdılır və qəzet bunu “K.Heydərova qarşı müdhiş plan” kimi dəyərləndirir.
Müdafiə Nazirliyindəki kadr dəyişiklikləri ilə bağlı ekspertlər “nazir Zakir Həsənov ciddi kadr dəyişiklikləri apardığı halda Baş Qərargah rəisi Nəcməddin Sadıxovun qruplaşması ilə üz-üzə qalacağı” şərhini veriblər.
“Yeni Müsavat” ölkə universitetlərində imtahanların test, yoxsa yazılı üsulla ilə verilməsi ətrafında başlayan etiraz aksiyalarına “Azərbaycanda “taliban” hərəkatı başlayır?” mövqeyini ifadə edir.
Prezident seçkiləri ilə bağlı debatlardakı çıxışlarına görə iqtidar mənsublarının məhkəmə ilə hədələdiyi müxalifətin prezidentliyə namizədi Cəmil Həsənli bu hədələrə “məhkəmə bunlar üçün debatlardan da betər olacaq” cavabını verib.
Qəzet deputat, Vətəndaş Həmrəyliyi Partiyasının sədri Sabir Rüstəmxanlının son vaxtlar iqtidar saytlarının total təzyiqlərinə məruz qalmasını “iqtidarın hədəfində olması” adlandırır.
Müstəqil gənclər təşkilatlarının təmsilçiləri ölkə universitetlərində başlayan etirazları “tələbələrin iqtidarın bərbad təhsil siyasəti ilə barışmamaları” kimi dəyərləndiriblər.
Vətəndaşın şəxsi istehlak məqsədilə ölkəyə 10 kq. ərzaq və dərman gətirməyə icazə verən yeni qaydaların təsdiq olunmasını qəzet “Nazirlər Kabinetinin idxal inhisarçılarını dəstəkləməsi” kimi dəyərləndirir.
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz