ВР və ARDNŞ-nin həllini tapmayan məsələləri

 BP şirkətinin icraçı direktoru Robert Dadlinin 2 noyabrda Bakıya səfəri informasiya vakuumu şəraitində keçdi. 

Azərbaycanın rəsmi mənbələri qısaca bildirdilər ki, prezident İlham Əliyevlə görüşdə ikitərəfli əməkdaşlıq və onun perspektivləri müzakirə olunub. 

BP-Azerbaijan şirkətində Turan-ın müxbirinə bildiriblər ki, səfər işçi xarakter daşıyıb və əvvəlcədən planlaşdırılıb. Amma BP-Azerbaijan-ın mətbuat xidməti qeyd edir ki,  Robert Dadli ilə İlham Əliyev arasında hansı məsələlərin müzakirə edildiyi məlum deyil. 

Anlamaq çətin deyil ki, əsas müzakirə predmeti Britaniya şirkətinin TANAP qaz kəməri layihəsinə daxil olması və dekabrda “Şahdəniz-2” layihəsi barədə qərar verilməsidir. 

Məsələ burasındadır ki, BP, Statoil və Total hələ 2012-ci ilin oktyabrında ARDNŞ-yə bu layihə barədə təkliflər verib və 12, 12 və 5 % almaq istəyib. Amma bu dövrdə ARDNŞ ilə şirkətlər arasında saziş imzalanmayıb. 

“Əgər TANAP layihəsində mübhəmlik qalsa, dekabrda çətin ki layihəyə qərara verilsin. Çünki hasilat şirkətləri gələcək mənfəət barədə dəqiq məlumat istəyir”, -  deyə “Şahdəniz” layihəsi iştirakçılarından birinin təmsilçisi Turan-a bildirib. Onun sözlərinə görə, ARDNŞ ilə şirkətlər arasında həll edilməmiş xeyli məsələlər var. 

Turan-ın məlumatına görə, ВР rəhbərinin Bakı səfəri zamanı tərəflər nə kommersiya, nə strateji məsələləri operativ həll edə bilməyib. Bu günlərdə ekspertlər səviyyəsində BP ilə ARDNŞ arasında yeni danışıqlar başlayacaq. 

Turan müxbiri öyrənib ki, ВР Group rəhbəri həmin gün Bakını tərk edib. –12В--