Rəsmi qəzetlər dövlət başçısı İlham Əliyevin Amerika Yəhudi Komitəsinin icraçı direktorunun başçılıq etdiyi nümayəndə heyətini qəbul etməsi haqda xəbəri, bəzi rəsmi sənədlərə dəyişiklik edilməsi, habelə Neftçalada Sənaye Məhəlləsinin yaradılması haqda sərəncamların mətnlərini ilk səhifələrə yerləşdiriblər.
“Azadlıq” qəzeti ABŞ politoloqu E.Vayne Merrinin “rəsmi Bakının təkcə ABŞ hökuməti və prezidentini deyil, Konqresdəki mühüm adamları da qıcıqlandıran əməllərə əl atması” haqda bəyanatını manjetə çıxararaq bunu “ABŞ-dan rəsmi Bakıya “hesab çəkmək” xəbərdarlığı kimi dəyərləndirir.
Qəzet dövlət başçısı İlham Əliyev səviyyəsində AXCP sədri Əli Kərimliyə qarşı təxribat törətmək tapşırığı verildiyi haqda iddianı öz səhifəsində ışıqlandırır.
AXCP sədri Əli Kərimli həbsdə olan jurnalist Seymur Həzini müavin təyin edib.
AŞPA sessiaysında rəsmi Bakının Rusiyaya dəstək verməsini ekspertlər Qarabağ probleminin həllində özünü aciz və arqumentsiz duruma salması adlandırıblar.
Milli Məclisin İnsan haqları komitəsinin sədri Rəbiyyət Aslanovanın son zamanlar hadisələrə münasibət ifadə etməməsini qəzet “YAP-ın R.Aslanovanın dəstəyindən imtina etməsi” kimi dəyərləndirir.
“Ekspress” ölkəyə idxal ediləcək araq və siqaretin bahalaşacağı, milli ordunun irimiqyaslı təlimlərə başlaması haqda xəbərləri ilk səhifəyə çıxarıb.
Qəzet deputat Eldar İbrahimovun yol polisi əməkdaşlarını “dana” adlandıraraq təhqir etməsinə, savadıslıq və mədəniyyətsilzikdə ittiham etməsinə diqqət çəkir.
“Novoe Vremya” ölkədə gənc nəslin problemlərinə toxunaraq “biz hansı gəncliyi tərbiyə edirik?” sualını gündəmə gətirir.
“Bizim yol” Qərb təşkilatlarının Bakıda Avropa Oyunlarının qarşısını almağa cəhd etmələri haqda Milli Məclisin sədri Oqtay Əsdəovun bəyanatını ilk plana çəkib.
Dustaq Lamiyə Quliyevanın həbsdə uşaq dünyaya gətirməsini parlament “Penitensiar Xidmətin fəaliyyətinin ciddi kölgə altına düşməsi” adlandırıb.
Beynəlxalq reytinq şirkətləri neft gəlirlərinin azalması ilə bağlı Azərbaycanın kredit reytinqinə dair proqnozların mənfiyə dəyişdiyini bəyan ediblər.
“Yeni Müsavat” Azərbaycan qarşı rəsmi Kremlin layihəsi hesab etdiyi “Milyarderlər İttifaqı”nın yenidən fəal şəkildə siyasi səhnəyə qayıtmasını ilk səhifəyə çıxarıb.
Ekspertlərə görə, dövlət başçısı İlham Əliyevin tapşırığına baxmayaraq, kommersiya bankları real sektoru maliyyələşdirməkdə maraqlı görünmürlər.
Cəmiyyət
-
Azərbaycan rütubətli və soyuq hava şəraitinə hazırlaşır, Bakıda və Abşeron yarımadasında yağış və qar yağacağı proqnozlaşdırılır. Milli Hidrometeorologiya Xidməti güclü şimal-qərb küləyinin gün ərzində tədricən zəifləyəcəyini bildirir.
-
Azərbaycan Xarici İşlər Nazirliyi (XİN) Rusiya İnformasiya və Mədəniyyət Mərkəzinin (Rus Evi) Bakıda qeydiyyata alınması tələbi ilə həmin ölkənin XİN-inə nota göndərib.
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
Rəy yaz