Vergilər Nazirliyində struktur dəyişikliyi

Bakı Şəhər Vergi Departamenti Vergilər Nazirliyinin müstəqil qurumu statusunu itirib. Nazirliyin strukturuna müvafiq dəyişiklik dövlət başçısının 2 fevral tarixli sərəncamı ilə edilib.

Bundan sonra Bakı Şəhər Vergi Departamenti Vergilər Nazirliyinin iki digər bölməsi – Vergi Cinayətlərinin İbtidai Araşdırılması Departamenti və Xüsusi Rejimli Vergi Xidməti Departamenti   kimi nazirliyin nəzdində fəaliyyət göstərəcək. Bakı Şəhər Vergi Departamentnin Vergilər Nazirliyi yanında fəaliyyətinə dair əsasnamə həmin gün vergilər naziri tərəfindən təsdiqlənib.

Qeyd edək ki, yenu strukturda Vergi Auditi Departamentinin adı çəkilmir. Vergilər Nazirliyinin kollegiyasının yeni heyətində bu departamentin nümayəndəsi yoxdur. Lakin Vergilər Nazirliyi bu qurumun ləğv olunduğunu bəyan etməyib. Vergilər Nazirliyinin kollegiyasının yeni tərkibi də fevralın 2-də təsdiqlənib.

Qeyd edək ki, fevralın 2-də Vergilər Nazirliyinin analitik- informasiya şöbəsi 12 Ərazi Vergilər idarəsinin 4-də kadr dəyişikliyinin olduğunu bildirib.

Yerli vergi orqanlarının fəaliyyətinin daha səmərəli təşkili, mövcud vergi potensialından tam istifadə olunması və dövlət büdcəsinə vergi daxilolmaları üzrə proqnozların icrasını təmin etmək məqsədilə həmin Ərazi Vergilər idarələrinin rəisləri vəzifələrindən azad olunub, onlaın yerinə başqa şəxslər təyin edilib.08D