Mətbuat-Monitorinq 03.10.12

Rəsmi qəzetlər “İkinci Bakı Beynəlxalq Humanitar Forumu” ilə bağlı dövlət başçısı İlham Əliyevin ölkəyə gələn qonaqları qəbul etməsi haqda yazır.  

“Azadlıq” qəzeti qeyd edir ki, deputat Gülər Əhmədova ilə bağlı rüşvət olayının mərkəzində olan keçmiş rektor Elşad Abdullayev dövlət başçısı İlham Əliyevə müraciətində bir çox rəsmi şəxsləri ifşa edəcək videomaterialların olduğunu bildirir. Qəzet ölkə prokurorluğunu keçmiş rektor Elşad Abdullayevin yaydığı videolara əsasən depuatat Gülər Əhmədovanın rüşvət almasını araşdırmaq əvəzinə E.Abdullayevin fəaliyyətini “araşdırmaqda” ittiham edir. Ədliyyə generalı Vidadi Mirkamal “Elşad Abdiullayev-Gülər Əhmədova rüşvət olayı” fonundakı proseslərə “ölkədə mafiya dövlətin içindədir” mövqeyini bildirib. 

Ödəniş kartları sahəsində fırıldaqçılıq hallarının olması ilə bağlı Mərkəzi Bank həyəcan təbili çalır. 

Vəkil Elçin Sadıqov yazar Rafiq Tağının qətlilə bağlı cinayətin üstünün açılmasında prokurorluğun maraqlı olmadığı haqda qəzetə şərh verib. 

Mədəniyyət Nazirliyi Ramiz Fətəliyevin “Ən sadə familiya” çoxseriyalı filminə qadağa qoyub.  

“Zerkalo” 15 sutka inzibati cəza almış gənc siyasi fəal, bloqer Zaur Qurbanlının barəsində cinayət işinin olub-olmayacağını “Zaur Qurbanlını nə gözləyir?” sualı ilə gündəmə gətirir və Amnesty İnternational-ın onu buraxmağı tələb etdiyini nəzərə çatdırır.  

“Ekspress”.  Qərb-İran münasibətləri müstəvisində rəsmi Bakı “Azərbaycanın Qərbin antiiran, İranın isə antiqərb kampaniyasında iştirak etmədiyini” bildirir. 

“Exo” 2001-ci ildən sonra orta təhsillə dövlət qurumlarında vəzifə tutan şəxslərin işdən azad olunacaqlarını yazaraq bunu “bir neçə min dövlət qulluqçusunun işsiz qalacağı” kimi dəyərləndirir. 

Bu il sentyabrın 30-na kimi sövet dönəmindən qalma əmanətlərin qaytarılması ilə bağlı vətəndaşlara 349 milyon 109 min manat pul qaytarılıb.  

“Novoe Vremya”.  “Deputat Gülər Əhmədova-rektor Elşad Abdullayev rüşvət olayı”na görə YAP müxalifəti ittiham edib, hakim partiya bunu “ölkənin imicinə zərbə” adlandırıb. 

“Bizim yol”.  “Freedom House” təşkilatı Azərbaycanın güc qurumlarını azad fikirli insanların yazışma və danışıqlarını izləmək üçün avadanlıqlar quradşırmaqda iittham edib.  

“Yeni Müsavat” Mərkəzi Seçki Komissiyasının bu gün Gülər Əhmədovanı deputat mandatından məhrum edə bilməsini “video qalmaqalının çözüm nöqtəsinə yaxınlaşması” sayır. PA ictimai-siyasi şöbəsinin müdiri Əli Həsənov “deputat Gülər Əhmədova-rektor Elşad Abdyullayev rüşvət olayı”na “iqtidar bu insanların davranışına cavabdeh deyil” mövqeyini sərgiləyib. 

Gürcüstanda hakimiyyət dəyişikliyinə səbəb olan seçkilərə PA ictimai-siyasi şöbəsinin müdiri Əli Həsənov “bizdə Gürcüstandakından da yaxşı seçki olacaq” vədi verib. 

Rəsmi Bakı Qəbələ RLS-lə bağlı rəsmi Kremlin kompromis variantını qəbul etmədiyi üçün RF hərbçiləri stansiyanı tərk edəcəklər. 

Xankəndi aeroportunda qanunsuz uçuşlara cavab olaraq təyyarələrin vurulacağı haqda Azərbaycan tərəfin bəyanatına erməni tərəfi Binə aeroportunu vuracaqları hədəsi ilə cavab veriblər. Qəzet son vaxtlar gənclərin həbslərinin artmasını “iqtidarın gələcək rəqiblərilə indidən amansız mübarizəsi” kimi dəyərləndirir.