Rəsmi qəzetlər dövlət başçısı İlham Əliyevin fərmanlarının mətnlərini, ölkənin iqtisadi inkişafı haqda yazılar dərc ediblər.
“Azadlıq” qəzeti fövqəladə hallar və daxili işlər nazirləri arasında qarşıdurmanın yarandığını, birincinin ikinciyə qarşı hücum əmri verdiyini iddia edir.
Rusiyada əsasən azərbaycanlılardan ibarət şərti “milyarderlər ittifaqı” ilə bağlı rəsmi Bakının “elə etməlidirlər ki, Azərbaycana əsassız təzyiqlər ortaya çıxmasın, başqa maraqlara xidmət etməsinlər” mövqeyini qəzet “iqtidarın “milyarderlərdən qorxmasını etiraf etməsi” adlandırır. Adı çəkilən “milyarderlər ittifaqı”nın üzvü Söyün Sadıqov bu qurumun üzvü Abbas Abbasovun dövlət başçısı İlham Əliyevlə görüş cəhdinin baş tutmadığını təsdiqləyib.
“Quba olayları” ilə bağlı məhkəmə prosesində vəkil Mirzə Əzizov “Quba hadisələrinin nazirlər Kəmaləddin Heydərov və Ziya Məmmədov arasındakı ziddiyyətlərdən qaynaqlandığını bütün Avropa bilir” bəyanatını verib.
“Reuters” Azərbaycanda icazəsiz aksiyalara görə cərimələrin fanatstik həddə qaldırılmasını “Əliyevlərin Rusiyadan nümunə götürməsi” adlandırır.
“Yeni Müsavat” Gürcüstan hökumətinin Ermənistana gedən Abxaziya dəmiryol əlaqəsini bərpa etməsini “İvanişvili hökumətindən Azərbaycana ciddi zərbə” adlandırır.
Rəsmi Ankaranın Güney Azərbaycan Milli Oyanış Hərəkatının rəhbəri Mahmudəli Çöhrəqanlını Türkiyəyə buraxmamasını politoloqlar “Güney uğrunda mübarizənin Türkiyə üçün aktual olmaması” kimi şərh ediblər.
Rəsmi Bakının tərəfdaşı olan partiya sədri Qüdrət Həsənquliyev iqtidara “qanunları sərtləşdirməklə hakimiyyəti qorumağın mümkün olmadığı” barədə xəbərdarlıq edib.
BP-Azərbaycan şirkətində kadr dəyişikliyilə bağlı ekspertlər qəzetə “rəhbərlikdə bir nəfərin dəyişməsi neft hasilatının artmasına təsir göstərə bilməz” şərhini veriblər.
“Bakı Xəbər”. Rusiyada əsasən azərbaycanlılardan ibarət şərti “milyarderlər ittifaqı” fəaliyyətini bərpa edib, gələn il üçün fəaliyyət planının hazırlanması ilə bağlı qurumun yeni toplantısına hazırlıq gedir.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz