Mətbuat-Monitorinq 04.04.13
Rəsmi və hökumətyönlü qəzetlər ölkənin böyük şəhərlərində lift təsərrüfatının möhkəmlənməsi üçün 7,2 milyon manat vəsaitin ayrılması haqda dövlət başçısı İlham Əliyevin sərəncam imzaladığını bildirir. Bundan əlavə, bu qəzetlər ölkənin müxalifət qüvvələri və Almaniya əleyhinə məqalələr dərc ediblər.
“Azadlıq” İranın dini lideri ayətüllah Xamneyinin “Keyhan” qəzetində nümayəndəsi Hüseyn Şəriətmədarinin “Azərbaycanın İrana birləşdirilməsi üçün referendum keçirilsin” bəyanatını manjetə çıxarıb.
Hesablama Palatası yaydığı hesabatda Lənkəran, Cəlilabad, Xaçmaz, Zərdab, Ağdaş, Qaradağ, Şəmkir, Saatlı və Tovuz rayonlarında büdcə talamalarının aşkar olunduğunu açıqlayıb.
Gəncədə həbsə alınan kafe sahibi Qoca Quliyevin işgəncə ilə boynuna silah gəzdirməsi ittihamının qoyulmasına toxunan qəzet bu şəxsin şərti “milyarderlər ittifaqı”nın rəhbəri Abas Abasovun qohumu olmasını xüsusi vurğulayır.
İlahiyyatçı Taleh Bağırovun həbsinə və Zülfüqar Mikayılzadəyə təzyiqlərə etiraz olaraq Lənkəranda aksiya keçirilib, rayon polisi belə aksiya olduğunu inkar edir.
Son zamanlar rəsmi Bakının dindarlara qarşı başladığı yeni hücum dalğasına ekspertlər “müxalif fikirli insanlara qarşı kampaniyanın tərkib hissəsi” şərhini veriblər.
“Ekspress” İranın dini lideri Xamneyinin nümayəndəsinin Azərbaycana ərazi iddiaları ilə çıxış etməsini “Tehrandan Bakıya təhdidlər” adlandıraraq önə verib.
Müəllif Hüquqları Agentliyi aşkar etdiyi 5-dən çox plagiat dərsliklə bağlı Təhsil Nazirliyinə müraciət edib. Bakının Pirşağı qəsəbə sakini Polad Astarov ailəsinin ehtiyaclarını təmin edə bilmədiyi üçün intihar edib.
“Exo” 2010-2012-illərdə manatın həddən artıq bahalaşmaqdan qorunması üçün 7,2 milyard dollar sərf olunmasını ilk plana çıxarıb.
“Bizim yol” həbsə alınan ilahiyyatçı Taleh Bağırovun moizə etdiyi “Həzrət Abbas məscidi”nin bağlanması məqsədilə məscid icmasına təzyiqlərin başladığını bildirir.
Ekspertlər rəsmi Bakının vədlərinə baxmayaraq, neft hasilatının azaldığını, neft satışındakı tənəzzülün ölkənin ticarət dövriyyəsini kəskin azaltdığını bildirir.
“Yeni Müsavat” 5 milyon manatlıq “mübahisə”yə görə nəqliyyat naziri Ziya Məmmədovun adamlarının Qubanın icra başçısını döyməsini “nazir icra başçılsını döydürdü” başlığı ilə ilk səhifəyə çıxarıb.
Rəsmi Ankaranın PKK terrroçu təşkilatı üzvlərinin ölkədən çıxmaları məsələsində anlaşdığını yazan qəzet bu PKK-çıların Azərbaycana yerləşdirilməsi planının olması barədə xəbərdarlıq edir.
Martın 31-də həbsə alınan ruhani Taleh Bağırov saxlandığı polis bölməsində işgəncəyə məruz qalıb.
Beyləqanda iş adamı Tərlan Kamaloğlu rayon icra başçısı Vaqif Abdullayevin söyüşlərinə cavab olaraq onun başına kərpic çırpıb. İnsidentə səbəb parkın abadlaşdırılması üçün icra başçısının pul tələb etməsi olub.
“Facebook” sosial şəbəkəsində siyasi fəallıqlarına görə martın 29-da saxlanılan Ramil Qarayev və Elçin Ağayev aprelin 3-ü günortadan sonra azad olunublar.
-
- Siyasət
- 3 Aprel 2013 19:57
-
- İqtisadiyyat
- 4 Aprel 2013 12:05
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz