![Mətbuat-Monitorinq 04.09.12](https://turan.az/resized/media/2012/main/090400009835-750-500-resize.webp)
Mətbuat-Monitorinq 04.09.12
Rəsmi qəzetlər dövlət başçısı İlham Əliyevin Bakıda “Four Seasons” otelinin açılışında iştirakı, ABŞ səfiri Morninqstarı, Avropa Birliyinin enerji məsələləri komissarını qəbul etməsini ilk səhifəyə çıxarıblar.
“Azadlıq” qəzeti diqqəti kənd təsərrüfatı və fövqəladə hallar nazirlikləri arasında nüfuz savaşına yönəldərək ölkəyə idxal edilən taxılın satışını dayandırmaqla FHN-in KTN-ə “sarsıdıcı zərbə vurduğunu” iddia edir.
Qəzet Azərbaycan zabiti Ramil Səfərovun Macarıstandan Azərbaycana verilməsinə etiraz olaraq ermənilərin bu ölkədə fəallaşdığını yazaraq Azərbaycan səfirliyinin mühafizəsini gücləndirdiyini yazır.
Qəzetin yazdığına görə, Bütöv Azərbaycan Gənclər Təşkilatı dövlət başçısı İlham Əliyevə 2013-cü ildə prezident seçkilərinə qatılmaq istəməsinin qanunazidd olduğunu deyərək, onu istefaya çağırıblar.
Qəzet ali məktəblərin ödənişli ixtisaslarına daxil olan tələbələrini 4%-i təhsil haqlarını ödəyə bilmədikləri üçün qeydiyyatdan keçə bilməyiblər.
Qəzet qeyd edir ki, Sənaye və Energetika Nazirliyi istehlakçıların hüquqlarını pozduğuna görə ARDNŞ və “Azəriqaz” şirkətini məhkəməyə verib.
“Zerkalo” qəzeti zabit Ramil Səfərovun azadlığa buraxılması ilə bağlı başlanan beynəlxalq tənqidi mövqelərə rəsmi Bakının “ekstradisiya və əfvin qanuna tamamilə uyğun olduğu” reaksiyası verdiyini yazır.
“Ekspress” qəzeti Azərbaycan zabiti Ramil Səfərovun azadlığa buraxılması ilə Macarıstanın Azərbaycana nota verməsinə Azərbaycanın bu ölkədə səfiri Vilayət Quliyevin “bu normal qarşılanmalıdır” reaksiyası verdiyini nəzərə çatdırır.
“Exo” qəzeti Azərbaycan Beynəlxalq Ticarət Təşkilatına (BTT) üzv olduğu halda qiymətlərin 30-60% enəcəyini yazaraq, “BTT-yə üzvlük hansı malların qiymətində əksini tapacaq?” sualını gündəmə gətirir.
Qəzet ekspertlərə isnadən Bakıya yeni rayonların lazım olduğunu yazaraq, paytaxt rayonlarının yeni inzibati bölgüsünün aparılmasının zəruriliyini önə çıxarıb.
Qəzet uşaqların birinci sinfə getmələri üçün təminatın 120 manatdan başlayaraq yüksəldiyini yazır.
“Bizim yol” qəzeti Azərbaycan zabiti Ramil Səfərovun əfv olunmasına Avropa Birliyi, Rusiya və ABŞ-ın etirazını “beynəlxalq güclərdən Azərbaycana sərt təpki” kimi dəyərləndirir.
Ölkənin turist şirkətlərinin bu ilki gəlirlərinin 500 milyon manat, xərclərinin 1 milyard 290 milyon manat olmasını yazan qəzet bu faktın “böyük həcmdə vergi yayınmaları şübhələri”nə yol açdığını qeyd edir.
“Yeni Müsavat” qəzeti Azərbaycan zabiti Ramil Səfərovun azad edilməsinə etiraz olaraq Azərbaycan saytlarına kütləvi kiberhücumlara başladıqlarını və bu hücum qəzetin saytının fəaliyyətini dayandırdığını yazır.
Qəzet qeyd edir ki, Azərbaycan və Ermənistan xarici işlər nazirlərinin həmsədrlərlə görüşündə əsas mövzu Qarabağ yox, R.Səfərov mövzusu olub.
Qəzet yazır ki, Rusiya Ermənistanla nəzərdə tutulan iki hərbi manevr təlimini təxirə salıb.
İctimai Palatanın mediadan gizlin keçirdiyi iki toplantıda 2013-cü il prezident seçkilərində iştirak variantlarının müzakirə edildiyini yazan qəzet Əli Kərimli və İsa Qəmbər arasında ciddi razılaşmalar olduğunu qeyd edir.
-
- Söz istəyirəm
- 4 Sentyabr 2012 12:53
-
- İqtisadiyyat
- 4 Sentyabr 2012 13:02
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz