Rəsmi və iqtidaryönlü qəzetlər dövlət başçısı İlham Əliyevin Bakının Maştağa qəsəbəsində qəsəbədaxili yollarda aparılan əsaslı təmir və yenidənqurma işlərilə tanış olmasını, bir əsra ölkələrin səfirlərinin etimadnamələrini qəbul etmələrini ilk səhifəyə çıxarıb.
“Azadlıq” qəzeti Rusiya TV-dən birinin Suriyada Bəşər Əsədə qarşı MDB-dən olan döyüşçülərə dövlət başçısı İlham Əliyevin şəxsi cangüdəni olmuş şəxsin başçılıq etməsi haqda yaydığı xəbəri “İ.Əliyevə şok iddia” adlandırır.
İran dəniz qüvvələri komandanı Azərbaycanın İsarildən raketlər almasını “regionda sülh və sabitliyə ziyan vuran hərəkət” kimi dəyərləndirib.
Rəsmi Bakını sərt tənqidə məruz qoyan ABŞ-ın Azərbaycandakı keçmiş səfiri R.Kozlariç “hökumətin xalqa qarşı əməlləri daha da repressiv olub” bəyanatı ilə rəsmi Bakını bir daha xalqa qarşı haqsızlıqda ittiham edib.
Qəzet Əfv komissiyasının toplantısının keçirildiyini, əfvlə bağlı bəzi məsələlərin müzakirə olunduğunu nəzərə çatdırır.
“Ekspress” yazır ki, İslam Partiyasının həbsdə olan sədri Mövsüm Səmədovun sənədlərinin qeydə alınması üçün Mərkəzi Seçki Komissiyasına (MSK) təqdim olunmasında, MSK isə sənədlərin verilməməsində israr edir.
“Exo” ekspertlərə istinadən ölkədə satılan malların 80%-nin sertifikatının olmamasını nəzərə çatdırır.
“Novoe Vremya” Avropa İnsan Hüquqları Məhkəməsinin 60 illik yubileyinin tamam olduğunu xatırladır və insan haqları sahəsində durumun pis olduğu Azərbaycana “Azərbaycan yubileyi nə ilə qarşılayır?” sualını ünvanlayır.
“Bizim yol” bildirir ki, ölkədə qanunsuz yolla gətirilən İran benzini satılır və bu keyfiyyətsiz yanacağın ölkəyə gətirilməsinə ARDNŞ rəhbərlərindən biri başçılıq edir.
“Yeni Müsavat” ölkənin etiraz elektoratının birliyi olan Milli Şuranın toplantısında qurumun maliyyə dəstəyini xalqdan gözlədiyi deyilib. AXCP sədri Əli Kərimli isə xalqa maliyyə dəstəyi göstərmək çağırışını edib.
“The Economist” jurnalı rəsmi Bakını öz tənqidçilərini susdurması üçün əsassız narkotik maddə ittihamından geniş şəkildə isitfadə etməkdə suçlayıb, 6 siyasi fəalın belə əsassız ittihamla həbsə alındığını yazıb.
Nəqliyyat naziri Ziya Məmmədov oğlu Anar Məmmədovla bağlı Türkiyənin “Hürriyyət” qəzetində gedən yazıları bu ölkənin rəsmi çevrələrilə anlaşaraq dövrədən çıxarıb. Anlaşma şərtlərinə nəqliyyat sahəsində türk biznesinə şərait yaratmaq məsələsi də daxildir.
Əfv komissiyasının iclasının keçirilməsi ilə bağlı açıqlama verən hüquq müdafiəçiləri həbsdən azad edilmək məsələsində İlham Əliyevi dəstəkləyən siyasi məhbusları şanslı sayırlar.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz