Mətbuat-Monitorinq 05.03.13

Rəsmi qəzetlər dövlət başçısı İlham Əliyevin 8 mart Beynəlxalq Qadınlar Günü münasibətilə ölkə qadınlarına təbrikinin, şairə Nigar Rəfibəylinin, səhnə ustası Hökümə Qurbanovanın 10 illik yubileylərinin qeyd olunması, Gənclər Fondu Müşahidə Şurası üzvlərinin təyin edilməsi haqda sərəncamlarının mətnlərini dərc ediblər. Bununla yanaşı bu qəzetlər Sədərək, Laçın və Kəlbəcər rayonlarına yeni icra başçılarının təyin olunması ilə bağlı sərəncamların mətnlərini də yerləşdiriblər.

“Azadlıq” qəzeti keçmiş deputat Gülər Əhmədovanın həbsi ilə bağlı onun  vəkilinin “prokurorluq orqanları Elşad Abdullayevdən qorxaraq ağzını yummaq üçün G.Əhmədovanı qurban verirlər” bəyanatını manjetə çıxarıb. 

Gürcüstan prezidenti Mixail Saakaşvilinin Rusiya vətəndaşı olan azərbaycanlı milyarder Söyün Sadıqovun Azərbaycanda çevriliş hazılaması iddiasını milyarder birmənalı olaraq rədd edib. 

I Qarabağ müharibəsinin bəzi səhra komandirləri  İranın “SEPAH” hərbi biləşməsinin müharibədə işrtirakı haqda bəyanatını cəfəngiyyat adlandılrıblar. 

Dövlət başçısı İlham Əliyevin məmurlara nəzarət üçün İctimai Şura yaratmasına ekspertlər “müsbət heç bir nəticə olmayacaq” şərhini veriblər. 

İsrail qəzetlərində rəsmi Bakının müntəzəm tənqid olunmasını siyasilər “iqtidarın dayarqlarını itirmək prosesinin son fazaya daxil olması” adlandırıblar.

“Zerkalo”. Daşkəsənin Çovdar kəndində qəzet üçün reportaj hazırlayan müxbir Rəşad Rüstəmov öyrədilmiş adamlar tərəfindən fiziki zorakılığa məruz qalıb. 

“Ekspress” türk tarixçisi İlber Ortayın “İran dövlətinə “İran” adını türklərin verdiyini, İranın türk ölkəsi olması” bəyanatını ilk plana çıxarıb.

Qəbələ RLS-in hərbi şəhərciyində yaşayan rus zabitlərin ailələrinin Azərbaycandan çıxarılması prosesinin tamamlanmaq üzrə olduğu qeyd edilir. 

“Exo” 2012-ci ildə mənzillərin 12% -nin investisiya məqsədilə alındığını yazaraq 2011-ci ildə bunun cəmi 2-3% təşkil etməsinə diqqət çəkir. 

“Novoe Vremya” orduda əsgər itkilərinin artmasına baxmayaraq, Müdafiə Nazirliyinin bunun qarşısını almamasına “nə zaman tədbir görüləcək?” sualı ilə qarşılıq verir.

“Bizim yol” Azərbaycan ordusunda əsgər ölümlərinə etiraz olaraq martın 10-da Bakı ilə yanaşı Türkiyənin bir neçə şəhərində də etiraz aksiyaları keçiriləcəyini ilk səhifəyə çıxarıb. 

Bir yol qovşağının hazırlanmasına Nəqliyyat Nazirliyinin 407 milyon manat xərcləməsi “Ziya Məmmədovun nazirliyinin xalqın sərvətini korrupsiya layihələrində çapıb-talaması” adlandırılır. 

Politoloq Arif Yunus Gürcüstan prezidenti Mixail Saakaşvilinin Rusiyanın Azərbaycanda çevriliş hazırlaması barədə bəyanatına “Rusiyanın yaxın zamanlarda çox ciddi təzyiqlərə əl atacağı” şərhini verib. 

Saatlının Musalı kənd sakinləri kənd qəbirstanlığında 81 qəbirin dağıdılmasında AXCP-nin əli olması haqda bəyanatı rayon polis rəisi, PA ictimai-siyasi  şöbəsinin müdiri Əli Həsənovun bacısı oğlunun işi adlandırıblar.          

“Yeni Müsavat” Rusiyanın Azərbaycanda çevriliş hazırlaması haqda Gürcüstan prezidenti Mixail Saakaşvilinin bəyanatını “Əliyevlə Saakaşvilinin əks-kəşfiyat məlumatlarını bölüşməsi” adlandırır. 

ABŞ-da mühacirətdə olan eks-spiker Rəsul Quliyev “EL” hərəkatının fəaliyyəti ilə bağlı “ancaq Ermənistandan olanlara arxalansa, gələcəyi olmayacaq” deyərək qurumu yerlipərəstlikdə ittiham edib. 

Gənclərin martın 10-da nəzərdə tutulan “əsgər ölümlərinə son” aksiyasına 12 min gəncin qoşulacağı, bununla yanaşı aksiyaya əsgər valideynlərinin də qatılacağı gözlənilir.