ATƏT-in Minsk Qrupunun həmsədrləri Elmar Məmmədyarovla Xocalı aeroportu ətrafında vəziyyəti müzakirə ediblər
ATƏT-in Minsk Qrupunun həmsədrləri martın 2-də Parisdə Azərbaycanın xarici işlər naziri Elmar Məmmədyarov və martın 3-də Ermənistan XİN rəhbəri Edvard Nalbandyanla keçirilən görüşün nəticələri ilə bağlı bəyanatla çıxış ediblər.
“Həmsədrlər Dağlıq Qarabağa mülki uçuşlar məsələsi və təmas xəttində hazırkı zorakılıqla bağlı narahatlıqlarını bir daha ifadə ediblər. Həmçinin atəşkəs rejiminin möhkəmləndirilməsi məsələsi müzakirə olunub.
Həmsədrlər dinc nizamlanmaya nail olmaq məqsədilə gələcək addımların prezidentlərlə müzakirəsi üçün yaxın həftələrdə regiona səfər edəcəklər”, - bəyanatda deyilir.-02D-
Siyasət
-
Dekabrın 4-də Bakı Apellyasiya Məhkəməsi "Toplum TV"nin təsisçisi Ələsgər Məmmədlinin ev dustaqlığına buraxılmasından imtina ilə bağlı müdafiə tərəfin verdiyi apellyasiya şikayətini təmin etməyib. Bu barədə Ələsgər Məmmədlinin qardaşı Nəsimi Məmmədli bildirib.
-
"İnsan hüquqları fəalı Rüfət Səfərovun saxlanılması ilə bağlı xəbərləri dərin narahatlıqla izləyirəm. İfadə azadlığı demokratik cəmiyyətin əsas dayaqlarından, onun inkişafı və hər bir fərdin özünü reallaşdırmasının əsas şərtlərindən birini təşkil edir". Bu barədə Böyük Britaniyanın Azərbaycandakı səfiri Ferqus Old dekabrın 4-də X platformasındakı hesabında yazıb.
-
"Müdafiə Xətti" hüquq müdafiə təşkilatının icraçı direktoru Rüfət Səfərovun Cinayət Məcəlləsinin 221.1 (xuliqanlıq) və 178.3.2 (dələduzluq-külli miqdarda ziyan vurmaqla törədildikdə) maddələri ilə şübhəli şəxs qismində saxlanılması sosial şəbəkələrdə, müxalif siaysi mühitdə və hüquq müdafiəçiləri tərəfindən tənqidlərlə qarşılanıb.
-
Xarici işlər naziri Ceyhun Bayramov dekabrın 4-də Maltaya işgüzar səfərə yola düşüb, bu barədə Azərbaycan XİN-in mətbuat xidməti məlumat yayıb.
Rəy yaz