Mətbuat-Monitorinq 05.03.15

Rəsmi qəzetlər dövlət başçısı İlham Əliyevin Bolqarıstan səfərinə dair xəbərləri, ölkənin “Qızıl Aypara” cəmiyyəti üzvlərinin bir qrupunun dövlət mükafatları ilə təltif olunmaları haqda sərəncamın mətnini ilk səhifələrdə yerləşdiriblər.

“Azadlıq” qəzeti Azərbaycanda insan haqlarının ağır durumda olması ilə bağlı bir sıra beynəlxalq qurumların Avropa liderlərinə Bakı Olimpiadasınını boykot etmək çağırışını manjetə çıxarıb. Qəzet Olimpiya Oyunlarının keçirilməsilə bağlı xərclərin 5 milyard dolları keçdiyini yazır, ekspertlər isə Azərbaycan kimi ölkələr üçün belə “meqa layihə”lərin reallaşdırılmasını yolverilməz adlandırırlar.

Olimpiya Oyunlarında tamaşaçılar üçün biletlərin qiymətlərinin ucuz olmasına qəzet “ölkənin bu yarışlardan gəlir götürməsinin inandırıcı olmaması” mövqeyi ifadə edir. Rəsmi “Azərbaycan” qəzetində ABŞ-ın ciddi tənqid olunmasını qəzet “demokratiyadan imtina üçün növbəti bəhanə” adlandırır.  

Neftin 30-40 dollara qədər ucuzlaşa biləcəyini nəzərə çatdıran qəzet bu zaman manatın ikinci devalvasiyasının başı verəcəyi xəbərdarlığı edir. Rusiyadan ölkəyə gələn kartofun hər kiloqramının 4 qəpiyə rəsmiləşdirilməsini qəzet “hakimiyyətin kartof maxinasiyası” adlandırır. Qəzet Azərbaycandan Gürcüstan və İrana gedən turistlərin sayının Azərbaycana gələn turistlərin sayından dəfələrlə çox olmasını “turzimlə bağlı rüsvayçı statistika” adlandırır.

“Ekspress” qəzeti bəzi beynəlxslq qurumların Bakı Olimpiadasını boykot çağırışlarını önə çəkərək bunu “məkrli oyun” adlandırırlar.

Tələbə Qəbulu Komissiyası bir çox uyğunsuzluqlara görə 20-dən çox dərlsiyin tədris üçün məqsəduyğun olmaması bəyanatı səsləndirib.

Ölkə banklarının 3,3 milyard dollar ziyan təhlükəsi altında olmasını ekspertlər bütünlükdə “ölkənin bank sektorunun təhlükə altında olması” kimi şərh ediblər.

“Exo” qəzeti ekspertlərə isnadən “İraq-Şam İslam Dövləti” (İŞİD) terror qruplşamasının Azərbaycana qarşı xüsusi planları olmasını yazan qəzet bu terrorçu təşkilatı Azərbaycana “birbaşa təhlükə” adlandırır.

Dövlət sektorunda ən yüksək maaşın 1500 manat olduğunu, özəl sektorda bu rəqəmin 40 min manata çatdığını yazan qəzet minimum əmək haqqının 105 manat olduğunu bildirir.

“Novoe Vremya” qəzeti dövlət başçısı İlham Əliyevin Bolqarıstan səfərində NABUCCO qaz kəməri layihəsinin müzakirəsini diqqət mərkəzinə çəkərək bunu “Bakının “NABUCCO”nu reanimasiya etməsi kimi dəyərləndirir.

“Bizim yol” qəzeti Mərkəzi Bankın ölkədə problemli kreditlərin həcminin kəskin artması haqda hesabatını “şok böhran hesabatı” sayaraq ilk plana çıxarıb.

Ekspertlər ölkənin mənzil bazaını təhlil edərək mənzillərin bahalaşacağı xəbərdarlığı ediblər. 

“Yeni Müsavat” qəzeti ölkədə varlılara və “kafir”lərə divan tutmaq istəyən, “dövlət çevrilişinə hazırlaşan dəstə” üzvlərinin həbsini ilk səhifəyə çılxarıb.

Qəzet vergi əməkdaşlarının ölkə boyunca sahibkarlara total basqınlar etməsi, teni “xərac”lar kəsməsini, oliqarxlarla başlayan prosesin kiçik tacirləri də əhatə etdiyini nəzərə çatdırır. Vergiləri ödəməyən 10-larla müəssisələr sırasında “Azərsu”, “Azərenerji” kimi iri vergi ödəyicilərinin də adları yer alır. Ölkədəki iqtisadi durumu təhlil edən ekspertlər manatın tezliklə dollar önündə növbəti ucuzlaşmasını gpzlədikləri xəbərdarlığı ediblər. Ekspertlər qiymət artımının qarşısnı almaq üçün rəsmi Bakının inhisarçı şirkətlərə yox, marketlərə qarşı tədbir görmələrini anlaşılmaz adlandırırlar.

“Azərbaycan” nəşriyyatının qəzetlərin çapı ilə bağlı xərclər 20%  artırdığı bəyanatına cavab olaraq redaktorlar qəzetlərin 1 manata qədər bahalaşa biləcəyini deyiblər.