Mətbuat-Monitorinq 05.06.13

Rəsmi qəzetlər Bakıda XX Beynəlxalq Xəzər neft- qaz, neftayırma, neft kimyası sərgi və konfransının işə başlması, tədbirdə dövlət başçısı İlham Əliyevin iştirakı haqda yazırlar.   

Dövlət başçısının hərbi xidmətə çağırış haqda imzaladığı sərəncamın mətni dərc olunub.  

“Azadlıq” qəzeti tanınmış vəkil Qurban Məmmədovun keçən il baş vermiş avtoqəzaya görə bu günlərdə həbsə alınmasına toxunur və bu həbsə səbəb  kimi “iqtidarın tanınmış vəkilin çıxışlarından təşvişə düşməsini” göstərir. 

İnternet vasitəsilə böhtan və təhqirə görə Azərbaycanda cəzaların qüvvəyə minməsini qəzet “Əliyevin beynəlxalq qurumları saymaması” kimi şərh edir.

Biz zamanlar Əliyevlərin xalqa təzyiq vasitəsi olan Hüseyn Abdullayev indi xalqa yaxınlaşmaq “kursunu” götürdüyü üçün özü Əliyevlər tərəfindən təzyiqlərə məruz qalmağa başlayıb.   

Tarixçi-professor Cəmil Həsənli Milli Şuraya “Rusiyapərəst” damğası vurmağı “37-ci il düşüncəsinin primitiv təzahürü” adlandırıb.

“Zerkalo”  bu il xaricdə 1170 tələbənin təhsil aldığını, onlardan 118 nəfərinin ölkəyə qayıtmadığını yazır. 

“Ekspress”. İnternet vasitəsilə böhtan və təhqirlə bağlı cəzaların qüvvəyə mindiyi üçün böhtan atan 100-500, təhqir edən 300-1000 manat cərimə ediləcək. 

“Exo” ekspertlərə istinadən mənzil alıcılarının 70%-nin köhnə binalarda mənzil almağa üstünlük verdiyini bildirir.  

“Novoe Vremya” Bakıda keçirilən neft-qa sərgisinə daha çox Qərb ölkələri təmsilçilərinin maraq göstərməsinə “demokratiyanın yenə də geosiyasətə qurban verilməsi” mövqeyi ifadə edilir.  

“Bizim yol” ötən il baş verən və hər hansı ağır nəticəyə səbəb olmayan yol qəzasına görə tanınmış vəkil Qurban Məmmədovun həbsə alındığını bildirir. 

Qəzetin iddiasına görə, İlham Əliyevin 3-cü müddətə prezidentliyə namizədliyi elan olunduqdan bir gün sonra Avropanın gözlədiyi qaz müqaviləsinə Azərbaycan imza atacaq. 

“Yeni Müsavat” YAP-ın erkən qurultay keçirməsini iqtidarın prezidentliyə namizədinin Qərblə razlşadırıldığı kimi nəzərə çatdırır. 

Qəzet xalqı etirazlara çağırmaq müraciəti olan “Susma” klipinə görə keçmiş deputat Hüseyn Abdullayevin qardaşının işdən çıxarılmasını ona təzyiqlərin başlaması adlandırır. 

Müsavat Partiyasının funksioneri Arif Hacılı ölkənin etiraz elektoratını ətrafında birləşdirməyi hədəf seçən Milli Şuranın barəsində “təəssüf ki, Milli Şura bizim düşündüyümüz ideal tərkibdə formalaşdırılmır” mövqeyini ifadə edib. 

Rəsmi Kremlin dəstəyilə  separatçı “Sadval” təşkilatı Dərbənd şəhərində anti-Azərbaycan mitinqi təşkil edib və burada ermənilərin də iştirakı nəzərdə tutulur. 

YAP icra katibi Əli Əhmədovun qardaşı Iliç Əliyevin Bakı sakininə brilyant dəst “atması”, zavod direktoru ikən büdcə pullarını mənimsəməsi ilə bağlı dələduzluqları üzə çıxıb.