Azərbaycanın müxalif təşkilatlarının, nəhayət, bir araya gəlib Milli Şura yaratdıqları xəbərini əksər azərbaycanlılar kimi mən də böyük sevinc və coşqu ilə qarşıladım. Eyni hissləri Ukraynada yaşayan azərbaycanlıların əksəriyyətində də gördüm. Nəhayət, deyəsən millətimizin korrupsioner klanın əlindən qurtulmaq, dünyanın azad millətləri sırasına qoşulmaq şansı yaranır. Bir millət olaraq bizim bu şansı əldən verməyə haqqımız yoxdur!
Milli şuraya Vətənimizin ən öncül və hörmətli insanlarımız, ağsaqqallarının, siyasi situasiyaya təsir edə bilən vətəndaşların da daxil olması vacibdir. Hesab edirəm ki, siyasi məhbus həyatı yaşayan görkəmli alim, akademik Əli İnsanovun da Milli Şurada təmsil olunması qarşıda duran məqsədlərə nail olmaqda həlledici rollardan birini oynaya bilər, gücümüzə güc qatar.
Eyni zamanda böyük ziyalı, sənətkar və artıq özü də subut etdiyi kimi böyük ziyalı olan Rüstəm İbrahimbəyova minnətdarlığımı bildirmək istəyirəm. Məhz onun təşəbbüsü və ağsaqqallığı sayəsində uzun illərdir arzu olunan birlik gerçəkləşməkdədir. Bu, bir daha sübüt edir ki, xalqımız həmişə olduğu kimi ağsaqqal sözünə böyük hörmət və ehtiramla yanaşır, öz azadlığı və rifahı uğrunda mübarizəyə daim hazırdır. Əminəm ki, başda Rüstəm müəllim olmaqla xalqımızın arzuları və ümidləri mütləq gerçəkləşəcək.
Biz, Ukraynada yaşayan azərbaycanlılar da Milli Şuranın fəaliyyətinə hər cür dəstək verməyə hazırıq. Bu məqsədlə də Haqq və Ədalət Hərəkatının Ukrayna nümayəndəliyinin fəaliyyətini dayandırıram və daha ciddi fəaliyyətlə məşğul olmağa, Milli Şuranın Ukrayna nümayəndəliyinin yaradılmasına hazır olduğumu bəyan edirəm.
Böyük Yaradan uca millətimizə yardımçı olsun!
Hörmətlə və sədaqətlə,
Yalçın Qəhrəmanoğlu, Kiyev
Söz istəyirəm
-
Bakını qərq etməkdə olan miqyaslı daşqın ərəfəsində Buzovna qəsəbəsində narahatedici hadisə baş verdi, Lada Priora avtomobili qarşısındakı yolu dağıdaraq sanki yerin altına girdi. Sürücü möcüzəvi şəkildə sağ qaldı, lakin ədalətə nail olacağına and içdi və "Azərsu" ASC-dən - dərin kök salmış korrupsiya ilə tez-tez assosiasiya olunan dövlət su təchizatı və kanalizasiya şirkətindən prokurorluğa rəsmi şikayət verəcəyini vəd etdi.
-
Necə bir acizlikdir, bir gecə yağan yağışda tuneldə qalan adamı xilas etmək olmadı. Bir gün sonra meyiti tapılır. Gecə onu qurtarmağa gedən başqa bir vətəndaş çarəsizcə geri qayıdır.
-
Mir Cəfər Bağırov “Kitabi Dədə Qorqud”u da həbs etdi.
-
Azərbaycan Respublikasının Prezidenti cənab İlham Əliyevə
Rəy yaz