Mətbuat-Monitorinq 05.10.15

Rəsmi qəzetlər dövlət başçısı İlham Əliyevin “İnkişaf -məqsədimizdir” çoxcildliyinin ikinci cildinin çapdan çıxması haqda xəbəri ilk səhifələrdə yerləşdiriblər. 

“Azadlıq” qəzeti rəsmi Bakının yeni talana başlaması haqda xəbəri ilk səhifəyə çıxararaq talanın mənbəyi kimi ölkənin strateji obyektlərinin özəlləşdirilməsi planını göstərir.

Qəzet ölkənin ictimai-siyasi həyatı ilə bağlı mövzulara geniş yer verib və bu hadisələrə münasibət, mövqe ifadə edib.

AXCP sədri Əli Kərimli müşaviri Məmməd İbrahimə əsassız olaraq 2 aylıq həbs qətimkan tədbirinin seçilməsini “ölkədə hüququn rəsmi dəfni” kimi dəyərləndirib.

Rəsmi Bakı Əliyevlər rejimini despot, diktatura adlandırdığına görə Fransanın “France-2” telekanalı”nı və iki əməkdaşını məhkəməyə verib, televiziya  tərəfi məhkəməni udacaqları barədə bəyanat səsləndiriblər.

Türkiyənin “Hürriyyət” qəzeti rəsmi Bakının öz nüfuzu üçün lobbiçilik yönündə xərclədiyi “böyük pullar”ın heç bir real nəticə yaratmadığı haqda məqalə dərc edib.

Ölkənin dini cameə rəhbərləri indiki ictimai-siyasi durumla normal seçki keçirilməsini mümkün saymayaraq seçkilərə qatılmayacaqlarını bəyan edirlər.     

Qəzet “Azəryolservis” və “Azərenerji”də işçilərin iki aydır ki, maaş ala bilməmələrini nəzərə çatdırır.

Ölkədə dərmanların qiymətlərinin tənizmlənməsindən sonra dərman qıtlığının yarandığını deyən ekspertlər durumun daha da mürəkkəbləşəcəyi barədə xəbərdarlıq ediblər.

“Yeni Müsavat”  Antalyada keçirilməsi gözlənilən “G-20” sammitində Rusiyanın ya təklənəcəyi, ya da güclənəcəyi kimi məsələnin həll olunacağını önə çəkərək “Bakı üçün də gözləntilər var” kimi mücərrəd fikir ifadə edir.

Zəngilan rayon rəhbərliyi NİDAçı Rahid Bəşirova imza verən 125 saylı Zəngilan-Qubadlı seçicilərinə imzalarından imtina üçün təzyiq edir.

Qəzet yazır ki, Füzulidə müxalifət namizədlərinə imza verən seçiciləri “çörək pulları”nın kəsiləcəyilə hədələyirlər.

Ölkə bank sisteminin risk dərəcəsinin “ən yüksək” olduğunu deyən ekspertlər əhalinin əmanətlərini geri çəkdiyini, bankların isə əmanətləri qaytara bilmədiyini nəzərə çatdırırlar.