Mətbuat-Monitorinq 06.03.15

Rəsmi qəzetlər dövlət başçısı İlham Əliyevin Bolqarıstan səfəri haqda xəbəri, 8 mart Beynəlxalq Qadınlar Günü münasibətilə Azərbaycan qadınlarına təbrikinin mətnini, ölkənin ictimai və mədəni həyatında fəal iştirak edən bir qrup qadına fəxri adların verilməsi və medalla təltif olunmaları haqda sərəncamların mətnlərini ilk səhifələrdə yerləşdiriblər.

“Azadlıq” qəzeti icarədarların obyektləri təhvil verməsi, sahiblərinin isə satışa çıxarmasını “böhrann ticarət obyektlərini çökdürməsi” kimi dəyərləndirərək ilk səhifəyə çıxarıb.

Dövlət başçısı İlham Əliyevin Bolqarıstan səfərində NABUCCO qaz kəməri layihəsinin “dirçəldilməsi”nə  toxunmasına ekspertlər “layihənin indiki şəraitdə reallaşdırılmasını təsəvvür etməyin belə çətin olduğu” şərhini veriblər.

Qəzet Niderland telekanalının Azərbaycanla bağlı hazırladığı 27 dəqiqəlik verilişdə ölkədə insan hüquqlarının pozulması, hüquq müdafiəçilərinin həbsi, kütləvi aksiyaların zorakılıqla dağıdılması haqda danışılır.

Milli Şuranın ölkədəki iqtisadi durumla bağlı martın 15-nə təyin etdiyi etiraz aksiyasına qarşı rəsmi Bakının əks-təbliğat komandasına hakimiyyətyönlü media ilə birgə “Yeni Müsavat” qəzetinin də qoşulduğu qeyd edilir.

Vergilər Nazirliyi iri vergiödəyicisi “Azərsu” başda olmaqla 405 şirkətin vergiləri ödəmədiyini açıqlayıb.

Devalvasiya ilə bağlı siqaretin qiymətinin qalxmasını, evlərin dəyərinin yenu kursa uyğunlaşdırılmasını qəzet  olqarxların fəaliyyətinin nəticəsi adlandırır.

Qəzetə şərh verən ekspertlər əhalinin gəlirlərinin bazardakı qiymət artımının “qurbanı”na çevrildiyini bəyan edirlər.

İpoteka kreditləşməsinin tam dayandığını yazan qəzet eksperetlərə isnadən mənzil bazarında vəziyyətin kəskin pisləşəcəyini nəzərə çatdırır.

“Ekspress”  Xəzər dənizinin statusunun müəyyənləşməsilə bağlı 20 illik danışıqlarda dənizin dibi, gəmiçilik, sualtı kəmərlərin çəkilişi məsələlərinin hələ də açıq qalmasını diqqət mərkəzinə çəkib.

Qəzet kredit borcu olan ölkə vətəndaşlarına manatın ucuzlaşması ilə bağlı kredit borclarının 1.7 milyard artdığını və hələ daha da artacağını yazır.

“Exo”  rəsmi mənbələrə əsasən 2014-cü ildə ölkədə 2340 qadının fiziki zorakılığa məruz qalması haqda xəbəri nəzərə çatdırır.

“Novoe Vremya” baş nazir Artur Rəsizadənin ildə bir dəfə parlamentə hesabat verərkən teleekranlarda görünməsinə işarə edərək buna “Artur Rəsizadənin xalq içinə gəlməsi” ironiyası nümayiş etdirir.

“Bizim yol”  AMAY şirkətinin qurucusu Abdulla Abdullayevin məhkəmə prosesində hökumətin ünvanına tənqidi açıqlamalarını ilk səhifədə yerləşdirib.

“Yeni Müsavat” Azərbaycan Güləş Federasiyasının prezidenti, baş nazirin keçmiş müavini Abbas Abbasovun  Bakı Avropa Oyunlarının açılış mərasiminə qatımaq istəməsinə adının ali qonaqlar sırasında olmadığı cavabı verilməsini ilk səhifəyə çıxarıb.

Ekspertlər manatın devalvasiyasını və yüksək vergi cərimələrini ölkə sahibkarlarına “ikiqat zərbə” adlandırırlar.