![Mətbuat-Monitorinq 06.09.13](https://turan.az/resized/media/2013/main/090500048602-750-500-resize.webp)
Mətbuat-Monitorinq 06.09.13
Rəsmi və iqtidaryönlü qəzetlər dövlət başçısı İlham Əliyevin Masallı, Astara və Yardımlı rayonuna səfərlərini və bəzi obyektlərin açılışında iştirakını ilk səhifəyə çıxarblar.
“Azadlıq” qəzeti Böyük Britaniyada “Əliyev rejimilə əlaqəsi olanları ifşa etməli” kampaniyasının başladığını yazaraq bunu “Əliyevi ifşa” adlandıraraq manjetə çıxarıb.
Həbsdə olan keçmiş nazir Fərhad Əliyevin əfv ərizəsi yazması haqda xəbərlər təsdiqini tapır. Qəzet bunu seçkiöncəsi iqtidarın beynəlxalq qurumların müsbət rəyini qazana bilmək məqsədilə etdiyini bildirir.
“Yeni Müsavat” qəzetinin redaktoru Rauf Arifoğlunun analitik yazısındakı EL hərəkatı, Açıq Cəmiyyət və Liberal partiyalarının “rusiyapərəst” sayaraq sıradan çıxarılması barədə düşüncələrini Milli Şura təmsilçiləri “sifariş yerinə yetirmək” sayıblar.
Milli Şuranın vahid namizədi tarixçi-professor Cəmil Həsənli builki prezident seçkilərinin mahiyyətini “xalqın normal yaşamaq haqqını özünə qaytarmaq” kimi şərh edib.
“Ekspress” yazır ki, Kənd Təsərrüfatı Nazirliyi İranda vəba xəstəliyinin yayıldğını bildirərək Azərbaycana keçə bilməsi barədə xəbərdarlıq edib.
“Exo” yazır ki, mənzil bazarında nisbətən ucuz evlərin dəyəri 2013-cü ildə 25% artaraq 2008-ci ildəki ən yüksək nöqtəyə çatılb.
“Novoe Vremya” əsassız həbs edilmələrinə baxmayaraq, bəzi siyasi məhbusların əfv ərizəsi yazmalarına “yüksək mərhəmətin dəyəri neçədir?” sualı ilə müraciət edir.
“Bizim yol”. 12 saylı həbsxanada dustaq həyatı yaşayan jurnalıst Fuad Hüseynov buradakı qanunsuzluqlar haqda yazdığına görə “karser”ə salınıb.
Bir qrup dindarı müdafiə edən vəkil Yalçın İmanov ekspert qismində məhkəməyə cəlb edilən şəxsə suallar verdiyinə görə hakim onun barəsində cinayət işinin başlanmasına dair təqdimat hazırlayıb.
“Yeni Müsavat” Ermənistanın Rusiya projesi olan “Gömrük İttifaqı”na daxil olmasını Azərbaycan iqtidarı üçün problem adlandıraraq bu şəraitdəki seçkilərdə müxalifətin önə çıxmaq şansı əldə etdiyini bildirir.
Qəzetin iddiasına görə, Rusiya Qarabağda hərbi qüvvələr yerləşdirməyə hazırlaşır.
Ekspertlər korrupsiyaya qarşı mübarizə qurumlarının iri korrupsiya faktlarına toxunmamasını, xırda-para rüşvət faktlarını korrupsiya adı ilə təqdim etməsini “korrupsiya mübarizəsi imitasiyası” adlandırıblar.
Prezidentliyə namizəd Cəmil Həsənlinin seçki qərargahının təmsilçiləri namizədin hesabına pul köçürülməsinə maneələr yaradıldığını bidirirlər.
Əfv Komissiyasının üzvü, deputat Elmira Axundova ərizələrin çox olduğunu bəyan edərək daha bir neçə iclasın keçiriləcəyini bəyan edib.
Cəmiyyət
-
Sentyabrın 2-də dəniz platformasında baş verən yanğın nəticəsində "Azneft" İB-nin əməkdaşı Rafiq İsa oğlu İslamov həlak olub.
-
Mərkəzi Seçki Komissiyası (MSK) sentyabrın 1-də Milli Məclisə keçirilən növbədənkənar seçkilərlə əlaqədar ilkin nəticələrini açıqlayıb. Açıqlanan ilin nəticəyə görə, deputat mandatının yarıdan çoxunu (68) yenə hakim Yeni Azərbaycan Partiyası (YAP) qazanıb. 13 mandatın isə ümumilikdə 10 partiyaya düşəcəyi gözlənir. Vətəndaş Həmrəyliyi Partiyası üç, Ədalət, Hüquq və Demokratiya Partiyası iki yerlə təmsil ediləcək. Daha səkkiz partiya - Respublikaçı Alternativ Partiyası, Milli İstiqlal Partiyası, Demokratik İslahatlar Partiyası, Ana Vətən Partiyası, Böyük Quruluş Partiyası, Böyük Azərbaycan Partiyası, Milli Cəbhə Partiyası, Azərbaycan Demokratik Maarifçilik Partiyası hərəyə bir deputat mandatına malik olmağa yaxın sayılır.
-
Bakıda və Abşeron yarımadasında havadakı tozun miqdarında artım müşahidə olunur. Milli Hidrometeorologiya Xidmətinin məlumatına görə, tozun miqdarı normadan 2,5-3 dəfə çoxdur.
-
“Bağlantını asanlaşdırır, həyatı daha dolğun edirik” strateji məqsədinə sadiq qalan “Azercell Telekom” MMC bu istiqamətdə daha bir yeniliyə imza atır. 02.09.2024 tarixindən etibarən Azercell ofislərində rəqəmsal şəxsiyyət vəsiqəsini təqdim edən abunəçilər tam xidmət spektrindən yararlana biləcəklər. Layihə İnnovasiya və Rəqəmsal İnkişaf Agentliyi (İRİA) ilə əməkdaşlıq əsasında həyata keçirilir.
Rəy yaz