Tbilisi/06.09.13/Turan-BS PRESS: Sentyabrın 5-də Tbilisidə DİN-in binalarından birində jurnalistlərin iştirakı ilə Gürcüstan vətəndaşlarının gizli foto və video-müşahidələrindən ibarət arxiv məhv edilib.
Söhbət Gürcüstan vətəndaşlarının, həmçinin siyasi partiya liderlərinin barəsində kompromatın əks olunduğu 100-dən çox diskdən gedir. Bu arxivin məhv edilməsi məqsədilə xüsusi komissiya yaradılıb. Komissiyaya QHT, Xalq müdafiəçisi aparatı, vətəndaş sektoru və ölkə hökumətinin nümayəndələri daxildir.
“DİN bir neçə min qanunsuz videomaterial aşkar edib. Biz onları kateqoriyalara ayırdıq və vətəndaşların şəxsi həyatına dair qeydlərin olduğu 144 faylı seçdik. Xüsusi komissiya və hökumət şəxsi həyatın təsvir olunduğu video-faylların məhv edilməsi barədə qərar qəbul etdi”, - disklərin məhv edilməsində iştirak edən DİN rəhbəri İrakli Qaribaşvili bildirib.
Tədbirdə həmçinin ədliyyə naziri Teya Sulukiani, baş prokuror Arçil Kbilaşvili və qeyri-hökumət təşkilatlarının nümayəndələri iştirak ediblər.
DİN-in arxivinin məhv edilməsi məsələsi mayın əvvəllərində daxili işlər nazirinin müavini Gela Xvedelidze İnternetdə jurnalist Giya Paresaşvilinin barəsində kompromat yerləşdirdikdən sonra aktuallaşıb. Buna görə Xvedelidze cinayət məsuliyyətinə cəlb olunub.
Maraqlıdır ki, Azərbaycan cəmiyyəti də nə zamansa belə aksiyanın şahidi olacaqmı? Üstəlik, bizim ölkə vətəndaşlarının barəsində kompromat Gürcüstanda olduğundan daha çoxdur.-02D-
Siyasət
-
Vəfa Nağı Neftçala rayonundakı seçkilərin təfərrüatlarını Turanla bölüşdü. Mərkəzi Seçki Komissiyası (MSK) 70 saylı Neftçala seçki dairəsində seçicilər tərəfindən Vəfa Nağının xeyrinə verilən, lakin daha əvvəl başqa bir namizədin adına qeydə alınmış 84 səsin bərpası və bu səslərin yenidən Vəfa Nağının xeyrinə əlavə edildiyini bildirdi.
-
Bu gün prezident İlham Əliyev Kəlbəcər rayonuna gedib.
-
Azərbaycanda növbədənkənar parlament seçkiləri seçicilərə siyasi alternativlər təklif etməyib və əsas azadlıqların və kütləvi informasiya vasitələrinin həddən artıq məhdudlaşdırılması ilə keçirilib. Bu barədə ATƏT-in Demokratik Təsisatlar və İnsan Hüquqları Bürosu və ATƏT Parlament Assambleyası beynəlxalq müşahidəçilərinin sentyabrın 1-də Milli Məclisə keçirilmiş növbədənkənar seçkilərin yekunlarına dair birgə bəyanatında deyilir.
-
1 sentyabr növbədənkənar parlament seçkiləri ciddi pozuntularla müşahidə edilib ki, bu da seçkilərin demokratik legitimliyinə ciddi zərbə vurub. Bu barədə bir qrup yerli ekspert və qısamüddətli müşahidəçi ilə seçkilərin monitorinqini aparan Seçki Müşahidə Alyansının bəyanatında deyilir.
Rəy yaz