![Bakı-Novorossiysk ilə nəql həcmi hər ay azalır](https://turan.az/resized/750/500/resize/media/2013/main/090500048617.jpg)
Bakı-Novorossiysk ilə nəql həcmi hər ay azalır
Azərbaycan Bakı-Novorossiysk kəməri ilə neft nəqlini azaldır.
ARDNŞ-nin məlumatına görə, yanvar-avqustda Novorossiysk limanından 1 mln 164 min 695 ton Azərbaycan nefti yüklənib. Ötən ilin eyni dövrü ilə müqayisədə şimal marşrutu ilə Azərbaycan neftinin ixracı 8,6% azalıb.
2013-cü ilin avqustunda Novorossiysk limanından 169 min 706 ton Azərbaycan nefti yüklənib.
5 may 2013-cü ildə RF baş naziri Dmitri Medvedev 18 yanvar 1996-cı il tarixli "Azərbaycan neftinin RF ərazisi ilə nəqli haqqında" hökumətlərarası sazişin 1 yanvar 2014-cü ildən dayandırılmasına qərar verib. Sənədə əsasən, Azərbaycan neftinin nəqlinin davamı üçün ARDNŞ və "Transneft" 1 yanvar 2014-cü ilə kimi yeni kommersiya şərtləri razılaşdırmalıdır. Hazırda Azərbaycan neftinin RF ərazisi ilə nəql tarifi 1 ton üçün $15,67-dır. Rusiya tərəfi tarifi 2 dəfə artırmaq istəyir.
Bu ilin avqustunda RF prezidenti Putinin Bakıya səfəri zamanı energetika üzrə əməkdaşlıq da müzakirə edilib. Azərbaycan tərəfi təklif edib ki, Bakı-Novorossiysk kəməri əks istiqamətdə işləsin. Bu məqsədlə ARDNŞ və "Rosneft" arasında ilkin razılıq olub. Bakı istiqamətində 5 mln ton Rusiya nefti nəql etmək planlaşdırılır. Bunun bir hissəsi Bakı NEZ-lərində emal ediləcək, bir hissəsi Bakı-Tbilisi-Ceyhan (BTC) ilə nəql ediləcək. Sonuncu əməliyyat svop-sazişlə olacaq. Yəni "Rosneft" Rusiya-Azərbaycan sərhədində onu ARDNŞ-yə verib Avropada alacaq.
Hazırda şirkətlərin ekspertləri kommersiya detallarını öyrənir.
* 2012-ci ildə ARDNŞ Bakı-Novorossiysk kəməri ilə 2 mln 64 ton neft nəql edib. --12В--
İqtisadiyyat
-
Azərbaycan Hava Yolları (AZAL) bazar ertəsi günü Bakından Maldiv adalarının paytaxtı Male şəhərinə birbaşa uçuşların başladığını elan edib. Bu, aviaşirkətin tarixində bir ilk olaraq qeyd edilir.
-
Azərbaycanın energetika naziri Pərviz Şahbazov bazar ertəsi Rumıniya energetika naziri Sebastyan-İoan Burdujanın dəvəti ilə Rumıniyaya gəlib. Səfərin məqsədi, Azərbaycan, Gürcüstan, Rumıniya və Macarıstan nazirlərinin 8-ci görüşündə iştirak etməkdir. Bu görüş 3 sentyabr 2024-cü ildə Buxarestdə keçiriləcək və yaşıl enerjinin inkişafı və ötürülməsi ilə bağlı “Strateji Tərəfdaşlıq Sazişi”nin irəlilədilməsinə yönəlib.
-
Azərbaycan Prezidenti İlham Əliyev və Birinci Xanım Mehriban Əliyeva bazar ertəsi Kəlbəcər rayonundakı “İstisu” Tibb və İstirahət Kompleksində aparılan tikinti işləri ilə tanış olublar. Bu layihə, regionun tarixi mineral su və sağlamlıq turizmi sənayesini canlandırmaq məqsədi daşıyan mühüm bir layihədir.
-
Əvvəl xəbər verildiyi kimi, SOCAR sentyabrın 1-də Xorvatiyaya qaz tədarükünə başlayıb.
Rəy yaz