![Mətbuat-Monitorinq 06.10.12](https://turan.az/resized/media/2012/main/100600013743-750-500-resize.webp)
Mətbuat-Monitorinq 06.10.12
Rəsmi qəzetlər dövlət başçısı İlham Əliyevin görüşləri, Bakı Beynəlxalq Humanitar Forumunun bəyannamə qəbul etməsi haqda yazırlar.
“Azadlıq” qəzeti keçmiş rektor Elşad Abdullayevin külli miqdarda rüşvət müqabilində deputat olmaq istəməsilə bağlı deputat Gülər Əhmədova ilə danışıqlarına dair yeni videogörüntülər yayımlamasını manjetə çıxarıb.
Bu danışıqlarla G.Əhmədova ölkədə parlament seçkilərinin seçki ilə yox, dövlət başçısının, onun xanımının, PA rəhbərinin, nazirlərin siyahısı əsasında formalaşdığını açıq ortaya qoyur.
Keçmiş deputat Pənah Hüseyn “deputatlıq rüşvəti”lə bağlı video qalmaqalından sonra parlamentin buraxılmasını və yeni seçkilərin keçirilməsini ən doğru çıxış yolu adlandırır.
Təhsil Nazirliyinin önündə dindarların hicaba qadağanın aradan qaldırılması ilə bağlı keçirdiyi aksiyada yaranan qarşıdurmanı qəzet “qanlı qarşıdurma” adlandırır.
Keçmiş deputat Baba Tağıyevə məxsus “Avropa qapıları” şirkəti bağlanıb.
“Zerkalo” bir qrup dindarın hicaba azadlıq tələbilə keçirdiyi aksiyanı “polis üçün başağrısı” adlandırır.
Azərbaycanda siyasi məhbus məsələsi üzrə məruzəçi Ştrasserin “siyasi məhbus” anlayışı meyarlarının AŞPA-da qəbul edilməsini qəzet “bütün postsovet məkanı üçün vahimə” sayır.
“Ekspress”. Rusiyanın Qəbələni hərbi bazaya çevirmək istəməsinə rəsmi Bakı razılıq verməyib.
Son 5 ildə Laçında 7 min erməni məskunlaşıb.
“Exo” ekspertlərə istinadən qeyri-leqal evlərin qeydiyyata alınmaması üzündən dövlətin 150 miylon manat vergini toplaya bilmədiyini nəzərə çatdırır.
“Novoe Vremya” dindarların Təhsil Nazirliyi önündə aksiyasında polisin hərəkətini “polisin etiraz aksiyası iştirakçılarını amansız döyməsi” adlandırır.
“Bizim yol” qəzetinə Gülər Əhmədova və Elşad Abdullayev arasında “deputatlıq rüşvəti” videosu ilə bağlı şərh verən ekspertlər bu seçkilərə müsbət rəy verən yerli və beynəlxalq qurumların məsuliyyəti məsələsinin gündəmə gəldiyini bəyan ediblər.
Qəzet dindarların aksiyasında polis-dindar qarşıdurmasını “Bakıda qanlı cümə” kimi dəyərləndirir və demokratik qüvvələrin aksiyasında iştirakçılara amansız olan polis zabiti Süleyman Nemətovun dünən dindarların qarşısından qaçmasını xüsusi olaraq nəzərə çatdırır.
“Yeni müsavat” Bakıda Naxçıvan parlamentini sədri Vasif Talıbova məxsus “Cahan Motors” avtosalonlarının qapadılmasını ilk səhifəyə çıxararaq bunu “iqtidardaxili qruplaşma savaşının nəticəsi” sayır.
Bu günlərdə Bakı neft emalı zavodunda baş vermiş partlayışda bir nəfər yanıq xəsarəti almasına baxmayaraq, ARDNŞ faktı inkar edir. Qəzet bunu “neft sektorunda ölüm hallarını gizlədilməsi” sayır.
Təhsil Nazirliyi paytaxt daxilindəki ali məktəblərin Xocahəsən və Qobuya köçürüləcəyini və bununla bağlı ərazilərin ayrıldığını bildirir.
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz