“Azadlıq” qəzeti dövlət başçısı İlham Əliyev üçün Azərbaycan iqtidarındakı “Kremlin minalarını təmizləməyin zərurətə döndüyünü iddia edərək buna “ruspərəst qüvvələr “vurula” bilər” proqnozunu verir.
Keçmiş səfir, politoloq Hikmət Hacızadə Rusiyada yaşayan azərbaycanlılara təzyiqləri Azərbaycanı Kremlin layihəsi olan “Gömrük İttifaqı”na daxil etmək vasitəsi kimi dəyərləndirib.
MTN təcridxanasında saxlanılan jurnalist Pərviz Həşimli kamerada huşunu itirib. Yalnız həkim müdaxiləsindən sonra ayıla bilib.
“Azadlıq” və “Yeni Müsavat” qəzetlərinin metro stansiyalarında satışına olan qadağa 20 gündür ki, davam edir və media təmsilçiləri bu qadağaını “azad mətbuatı susdurmaq cəhdi” sayırlar.
“Molotov kokteyli hazırlamaq” kimi cəfəng ittihamla suçlanan “NİDA” gənclər hərəkatı üzvlərinin həbsinə prezidentliyə namizəd Cəmil Həsənli “Azərbaycan hökuməti öz vətəndaşlarını həbs edərək bunu alver predmetinə çevirir” bəyanatını səsləndirib.
“Ekspress” yazır ki, “Forbes” jurnalının adlarını açıqladığı dünyanın 12 ən nüfuzlu iş adamı üst-üstə 250 milyard dollarlıq varidata sahibdir.
“Exo” qanunsuz narkotik maddə satışına görə ölkədə 37 xarici vətəndaşın cinayət məsuliyyətinə cəlb olunduğunu bildirir.
“Novoe Vremya” ABŞ-Azərbaycan münasibətlərində demokratiya məsələsinin prroitet olmamasına “geosiyasi maraqlar demokratiyanı üstələyir” mövqeyini ifadə edir.
“Bizim yol” Rusiyaya gedən azərbaycanlıların geri qaytarılmasını yazaraq bunu “Putinin azərbaycanlılarla bağlı məxfi əmr verməsi”lə bağlı olduğunu iddia edir.
Qəzet 2014-cü ilin yanvarından qiymətlərin 2 dəfə artacağının dəqiq olduğunu yazaraq işığın kilovatının 10 qəpiyə, suyun tonunun 60 qəpiyə, benzinin 90 qəpiyə, qazın 1000 kub.metrinin 130 manata satılacağını bildirir.
“Yeni Müsavat” müdafiə naziri postundan azad edilən Səfər Əbiyevin özəlləşdirdiyi obyektlərin əlindən alınmasına başlanıldığını yazaraq buna “əsl təhvil-təslim başladı” mövqeyini ifadə edir.
Qəzet maliyyə nazirinə istinadən yanvarın 3-dən sonra işıq, qaz, kanalizasiya. rabitə və nəqliyyat xərclərinin artacağı anonsunu verir.
PA-nın şöbə müdiri Əli Həsənov Rusiyada azərbaycanlılara olan təzyiqləri “hansısa qüvvələrin Azərbaycanla Rusiya arasında münasibətləri pozmaq” cəhdi hesab edir.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz