![Mətbuat-Monitorinq 07.05.13](https://turan.az/resized/750/500/resize/media/2013/main/050600035325.jpg)
Mətbuat-Monitorinq 07.05.13
Rəsmi və hökumətyönlü qəzetlər dövlət başçısı İlham Əliyevin Binə aeroportunda aparılan işlərlə tanış olması, rəsmi qəbulları haqda yazırlar. Bundan əlavə, bu qəzetlərdə mərhum dövlət başçısı Heydər Əliyevin anadan olmasının 90 illyilə bağlı çoxsaylı məqalələr dərc edilib.
“Azadlıq” qəzeti ABŞ-ın Kanzas ştatının qubernatorunun Azərbaycanın dövlət başçısı ilə görüşdə sonuncuya bağlı 300 milyon manat borc məsələsini qaldırmasını manjetə çıxarıb. İ.Əliyev bu borcu qaytarmağa razılıq verərək hökumətin bəzi dövlət mülkiyyətlərinin satılmasının lazım gəldiyini deyib.
Venesiya komissiyası bir şəxsə istədiyi qədər prezident seçilmək hüququ verilməsini demokratiya yönündə geriyə addım sayıb və qəzet bu bəyanatı “Əliyevin üçüncü müddət namizədliyinə qarşı” kimi dəyərləndirib.
AXCP son zamanlar partiyaların keçirdikləri tədbirlərə polis müdaxiləsini “ölkədə ictimai-siyasi fəaliyyətə faktiki qadağa qoyulması” kimi qiymətləndirib. AXCP Ali Məclisinin sədri Həsən Kərimov partiyaların tədbirlərinə polis müdaxiləsinə göstərişin birbaşa PA-dan verildiyi barədə açıqlama yayıb.
Həbsdə olan din xadimi Abgül Süleymanov müxalif qüvvələrə “müxalifət vahid namizəd ətrafında birləşsə islamçılar onlarla bir yerdə olar” mesajını verib.
“Zerkalo” inzibati xətalara görə cəzaların sərtləşdirilməsini “narazı” olanlar üçün qanunvericilik “hüquqsuzluğu zəmanəti” sayaraq bunu ironiya ilə mənəviyyatsız özbaşınalıq səviyyəsində “doğrular və özümüzkülər üçün” tam azadlıq zəmanəti” adlandırır.
“Ekspress” yazır ki, Dini Komitənin sədri Elşad İsgəndərov ABŞ Beynəlxalq Dini Etiqad Azadlığı komissiyasının hesabatının Azərbaycana dair hissəsini qərəzli adlandırıb və “hesabatın ermənipərəst mövqedən hazırlandığını” iddia edib.
Ötən 4 ay əzrində paytaxt yollarında 108 nəfər ölüb, 328 nəfər xəsarət alıb.
“Exo” ölkə əhalinin təminatlı hissəsinin 50-60%-nin xarici vətəndaşlıq əldə etməyə üstünlük verdiyini yazır.
“Novoe Vremya” ölkə prokurorluğuna istinadən Almaniya vətəndaşı Şilder Vüsal Adolfun Bakıda qətlinin sifariş olması xəbərini ilk səhifəyə çıxarıb.
Qəzet ədalətli seçkilərin hakim düşərgəni qorxutduğunu yazaraq buna görə də iqtidarın öz növbəsində ədalətli seçki istəyən xalqı qorxutmaq istədiyini bildirir.
“Bizim yol” yazır ki, ölkənin 30-a qədər QHT-si yaydığı bəyanatda rəsmi Bakının inzibati cəzanı sərtləşdirməsini demokratiyanın susdurulması yönündə növbəti addım sayıb.
“Yeni Müsavat” nazir İsmət Abbasov vəzifədən gedəcəyi halda onu Azər Əmiraslanovun əvəzləyəcəyi qənaətini ilk səhifəyə çıxarıb.
Məşhur “Kojeni işi”nə görə Azərbaycan tərəfin 150 milyon dollar ödədiyini yazan qəzet daha 150 milyon dolların ödənəcəyini bildirir.
Bakı Şəhər İcra Hakimiyyəti “Gül bayramı” keçirmək üçün bu il şəhərə 250 ton gül gətizdirib.
-
- İqtisadiyyat
- 7 May 2013 12:22
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz