Mətbuat-Monitorinq 07.11.12

Rəsmi qəzetlər dövlət başçısı  İlham Əliyevin Bakıda “Bakutel-2012” XVIII telekommunikasiya və informasiya texnologiyaları sərgisinin açılışında iştirakını ilk səhifələrə çıxarıblar. 

“Azadlıq” qəzeti. Yaydığı videolarla iqtidarı ifşa edən keçmiş rektor Elşad Abdullayevin qardaşı Mahir Abdullayevin 2003-cü ildə oğurlanması faktı ilə bağlı rektordan 3 milyon dollar pul almaqda suçladığı Arzu Kazımov həbsə alınıb. 

Rəsmi Bakının özünə zidd saydığı Rusiyada əsasən azərbaycanlılardan ibarət “milyarderlər ittifaqı” şərti adlı quruma qarşı cavaşmağı  fövqəladə hallar naziri Kəmaləddin Heydərova tapşırıb. 

Azərbaycanın media təmsilçiləri dövlət başçısı İlham Əliyevin ölkədə İnternetin azad olması haqda bəyanatının həqiqətəuyğun olmadığını bildiriblər.

Vətəndaş cəmiyyəti fəalları “Azadlıq” qəzetilə bağlı məhkəmə qərarlarının icraya yönəldilməsini “hökumətin “Azadlıq”ı susdurmağın hiyləgər yolunu tapması” hesab edirlər. 

Metro tikintisi ilə bağlı evləri söküləcək “Papanin” məhəlləsinin sakinləri hər kv.metrə 500-600 manat veriləcək kompensasiya ilə razılşamayaraq yolları bağlayıblar. 

“Ekspress” son vaxtlar Gürcüstanda azərbaycanlıların evlərinə silahlı basqınların artmasını “Gürcüstanda dərəbəylik” kimi dəyərləndirir. 

2012-ci ilin mayında keçirilmiş “Eurovision” yarışması zamanı Bakıda teraktlar törətmək istəyənlərin məhkəmə prosesi qapalı aparılacaq. 

“Exo” Rusiyada əsasən azərbaycanlılardan ibarət olan “milyarderlər ittifaqı” şərti adlı qurumun təsisçilərindən Söyün Sadıqovun rəsmi Bakı əleyhinə danışıqlar aparması üçün emissarlarını göndərdiyini yazır, S.Sadıqov isə bunu yalan olduğunu bəyan edib. 

“Novoe Vremya” ABŞ-ın Azərbaycanda əsas insan azadlıqlarının məhdulaşdırılmasından narahatlıq keçirdiyini yazaraq bunu rəsmi Bakının 

“sözlə əməlin düz gəlmədiyi” siyasətilə bağlı olduğunu xatırladır.

“Bizim yol” bir il öncə bıçaqlanaraq xəstəxanaya düşən və 3 gün sonra xəstəxanada vəfat edən yazar Rafiq Tağının vəkili və qardaşına istinadən onun iynə ilə öldürüldüyünü yazır. 

Qəzet ölkədə mənzil bazarındakı duruma toxunaraq yeni tikilən binalar, “xruşşovkalar” söküləcəyi üçün gələcəyinin olmadığı, Bakıda ev alqı-satqısının ən aşağlı həddə, qiymətlərinsə yüksək olması barədə yazır.   

“Yeni Müsavat”. Keçmiş rektor Elşad Abdullayevin bacısı oğlu Azad Mürsəliyev dayısı Mahir Abdullayevin 2003-cü ildə oğurlanması faktı ilə bağlı həbsə alınan iki nəfərin bu cinayətdə əli olmadığını açıqlayıb. 

Müsavat Partiyası dövlət başçısı İlham Əliyevə icazəsiz aksiyalarda iştiraka görə cərimələrin artırılması haqda qanunu imzalamamağa çağıraraq əks halda məsuliyyətin iqtidarın üzərində qalacağı barədə xəbərdarlıq edir.