Mətbuat-Monitorinq 08.11.14

Rəsmi qəzetlər dövlət başçısı İlham Əliyevin Gədəbəy rayonunun Novosaratovka-Qaravəllilər avtomobil yolunun tikintisi üçün 5,9 milyon manatın ayrılmasına, rektor Siyavuş Kəriminin musiqi,  Bakı metropoliteninin bir qrup əməkdaşının isə metro sahəsində xidmətlərinə görə dövlət mükafatları ilə təltif olunmalarına dair sərəncamının mətnlərini ilk səhifələrə yerləşdiriblər.

“Azadlıq”   Milli Şuranın noyabrın 9-da mitinq keçirəcəyi xəbəriini manjetə çıxararaq iqtidarı çaşqınlıq yaratmaq üçün aksiyaya nəzərdə tutulduğu kimi noyabrın 10-na yox, noyabrın 9-na icazə verməkdə ittiham edir. Ölkənin vətəndaş cəmiyyətinin tanınmış simaları əhalini mitinqdə fəal iştiraka çağırıblar.

“Freedom House” hüquq-müdafiə təşkilatı rəsmi Bakının apardığı çoxsaylı həbsləri “iqtidarın öz vətəndaşından qorxması” ilə izah edir.

İşgəncələr Əleyhinə Ümumdünya Təşkilatı rəsmi Bakını həbsdə olan hüquq müdafiəçisi Leyla Yunusa və vəkillərinə qarşı təzyiqlərə son qoymağa çağırıb.

Həbsdə olan digər hüquq müdafiəçisi İntiqam Əlyev səhhətinin pisləşməsi üzündən ailəsilə görüşünü yarımçıq qoyub.

Hüquq müdafiəçiləri təkcə bu il neft sektorunda 24 ölüm hadisəsi baş verdiyini, buna səbəb kimi sovetdəın qalma infrastrukturun ömrünü başa vurduğunu, yenisinin isə yaradılmadığını göstərirlər.    

“Ekspress”  Azərbaycanın AŞ Nazirlər Kabinetinə 6 aylıq sədrliyinin başa çatması ilə bağlı hesabat verəcəyini önə çəkib.

Müsavat Partiyasının fəalları Heybət Əmrah və Ramazan Əliyev naməlum səbəbə görə Xaçmaz rayon polisinə aparılıb və onlara “partiya sədri Arif Hacılının rayona gəlməsinin arzuolunmazlığı” çatdırılıb.  

“Novoe Vremya”  qaz nəqli məsələsində Türkiyə-Türkmənistan danışıqlarına narazılığını “qaz oyunlarının geosiyasi stimulyator olması” şəklində ifadə edir.

“Bizim yol”  rus rublunu sıradan çıxaran prosesin manata da təhlükələr yaratmasını və manatın qorunması üçün Mərkəzi Bankın böyük vəsaitlər xərcləməyə başlamasını birinci səhifəyə çıxarıb.

Ekspertlər neftin ucuzlaşması nəticəsində ölkənin valyuta ehtiyatlarının 340 milyon dollar azaldığını bəyan ediblər.

Şəmkir rayonunun köçkünlər yaşayan məhəlləsində bir evə hücum edən basqınçılar 5 nəfəri yaralayaraq evdən pul və qızıl-zinət əşyaları aparıblar.

“Yeni Müsavat” Xətai rayonunda60 sot sahədə yaşıllıqların məhv edilməsi məsələsini ilk səhifəyə çıxararaq buna səbəb kimi Bakı meri Hacıbala Abutalıbovun həmin yeri 4,5 milyon manata satması haqda sərəncamını göstərir.

Yunanıstanın DESFA neft şirkətinin səhmlərini SOCAR-ın almasına dair sövdələşməni imzalamayacağı haqda Avropa Komissiyasının bəyanatına ekspertlər “bu rəsmi Bakının beyənlxalq çağırışlara mövqeyindən asılıdır” şərhini veriblər.