Mətbuat-Monitorinq 09.11.13

Bugünkü qəzetlərin aparıcı mövzusu İranın Azərbaycanla keçid məntəqələrini bağlaması olsa da rəsmi və iqtidaryönlü qəzetlər bu mövzudan yan keçiblər.

Bu qəzetlər oktyabrın 9-da Azərbaycanda keçirilən prezident seçkilərinin nəticələrinin elə həmin gün elan olunmasına baxmayaraq, ABŞ prezidenti B.Obamanın bir aydan sonra göndərdiyi məktubu ilk səhifələrə çıxarıblar.  

“Azadlıq” qəzeti İranın Azərbaycanla keçid məntəqələrini bağlamasını ilk səhifəyə çıxarıb, amma qəzet burada kimin günahkar olmasının müəmmalı qalmasını “kim kimə cavab verir?” sualı ilə anladır. 

“Avropa Stabillik Təşəbbüsü” təşkilatı hesabatında Azərbaycandakı seçkilərə “İlham Əliyevin heç bir seçkisi azad, ədalətli olmayıb” rəyini verib. 

“Azad Avropa” radiosu rəsmi Bakının Avropa və ABŞ siyasətçilərini ələ almaq cəhdlərini ifşa edib. 

Qəzet maliyyə böhranı üzündən çapının dayanacağını, nəşriyyata olan borc ödənmədiyi halda nəşriyyatın qəzetin çapından imtina edəcəyini, qəzetə yardım məqsədilə İngiltərənin  “İndex on Censorship” təşkilatının qəzetin bank hesabını dünyaya yaydığını yazır.   

Rusiyada azərbaycanlılara gərgin münsibətlə bağlı ekspetlər Azərbaycan hökumətinə “miqrant axınına hazır olun” xəbərdarlığını edib.

Qəzet Dövlət Neft Şirkətinin Ukraynanın Odessa şəhərində park saldırmasını neft pullarını “havaya sovurması” sayır. 

“Zerkalo”  deputatların “Diffamasiya haqqında” qanun layihəsini müzakirə etmək istəməmələrinə “məclismenlərin buna hazır olmaması” ironiyasını bildirir. 

“Ekspress” Bakının baş planının Nazirlər Kabinetinin təsdiqinə verilməsini, təsdiqdən sonra paytaxtın  mərkəz və ətraf ərazilərində yeni “söküntü dalğası”nın başlayacağını bildirir.

“Novoe Vremya” xarici işlər naziri Elmar Məmmədyarovun Azərbaycanda prezident seçklərinə mənfi rəyinə görə ATƏT/DTİHB-ni İndoneziyada keçirilən tədbirdə tənqid etməsini əsassız adlandırır. 

ABŞ prezidenti Barak Obamanın İlham Əliyevə məktub göndərməsi ətrafında rəsmi Bakının düzəltdiyi “şou”ya qəzet “şənlən, Azərbaycan, bizi Obama özü təbrik edib” ironiyasını sərgiləyir.  

“Bizim yol”  İranın Azərbaycanla keçid məntəqələrini bağlması xəbərini  ilk səhifəyə çıxarıb. 

İqtidaryönlü Bütöv Azərbaycan Xalq Cəbhəsi Partiyasının sədri, deputat Qüdrət Həsənquliyev iqtidara “islahatlar olmasa ciddi problemlər yaranacaq” xəbərdarlığını edib. 

   Rəsmi mənbələrə istinadən qəzet 2013-cü ilin əvvəlindən indiyə kimi ölkə yollarında baş verən 1148 qəzada 443 nəfərin həyatını itirdiyini yazır. 

Deputat Əli Məsimli ölkənin neft gəlirlərinin azalmasını nəzərdə tutaraq “büdcənin asan gəlir əldə etməsi mərhələsi arxada qaldı” bəyanatını səsləndirib. 

“Yeni Müsavat”  şərti “milyarderlər ittifaqı”nın üzvü Abbas Abbasovun adının müxalifətin prezidentliyə vahid namizədi Cəmil Həsənli ilə yanaşı çəkilməsinə 

“A.Abbasovun başı yenidən dərddə” şərhini verir. 

Qəzet iddia edir ki, jurnalist Pərviz Həşimlinin həbsi “Azəryolservis”in şefi Cavid Qurbanov və general Əli Nağıyevin əleyhinə müxalifəti maliyyələşdirmələri haqda ifadə almaq cəhdilə bağlıdır.