![Azərbaycan və İran sərhədçiləri danışıq aparırlar](https://turan.az/resized/750/500/resize/media/2013/main/110900056957.jpg)
Azərbaycan və İran sərhədçiləri danışıq aparırlar
Noyabrın 8-də Naxçıvanda Poldəşt-Şahtaxtı sərhəd-keçid məntəqəsində Azərbaycan və İran sərhədçiləri arasında görüş olub. Görüşdə son günlər İran tərəfinin Azərbaycanla sərhədləri bağlaması müzakirə olunub.
Naxçıvandakı mənbələrdən Turan-a bəlli olub ki, aparılan müzakirələr müsbət məcrada olub və sərhədçilər bu gün də müzakirələri davam etdirəcəklər. İran tərəfinin sərhədi yaxın günlərdə açacağı gözlənilir.
Görüşlə bağlı Azərbaycan və İran tərəfi rəsmi məlumat yaymayıb.
İran tərəfi noyabrın 7-dən Culfa və Biləsuvar sərhəd-keçid məntəqələrini bağlayıb. İran səfirliyinin bəyanatında deyilir ki, bu, Azərbaycanın Poldəşt-Şahtaxtı sərhəd-keçid məntəqəsini bağlamasına cavab olaraq edilib.
Noyabrın 5-də ə Naxçıvan Şərur rayonunun Dəmirçi kəndinin ərazisində Araz çayında sahilbərkitmə işləri aparan traktora İran ərazisindən 2 nəfər hərbi geyimli şəxs atəş açıb. Güllələr tarktora dəyib, sürücü atəşdən qoruna bilib.
Sərhədçilər hadisə yerinə baxış keçiriblər və İran tərəfinə məlumat verilib. Bundan sonra Azərbaycan Poldəşt-Şahtaxtı sərhəd-keçid məntəqəsini bağlayıb.-03D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz