Mətbuat-Monitorinq 10.04.13

Rəsmi qəzetlər Bakıda keçirilən Beynəlxalq İqtisadi Forum barədə yazıblar. Bundan əlavə, bu qəzetlərdə aparıcı müxalifət qüvvələri ənənəvi “milli xəyanət” ittihamına məruz qalıblar.

“Azadlıq” qəzeti İranın parlament üzvlərinin Azərbaycanı İrana birləşdirmək layihəsi üzərində işlədikləri xəbərini manjetə çıxarıb. 

Son vaxtlar rəsmi Bakının “Azadlıq” və “Yeni Müsavat” qəzetlərinə olan basqılarını ekspertlər “cərimələrlə azad mətbuatı sıradan çıxarmaq cəhdi” sayıblar. 

Qəzet keçmiş rektor Elşad Abdullayevin yaxınlarının notarial əməliyyatlarla bağlı müraciətlərinə bir çox hallarda mənfi cavab verilməsini rəsmi Bakının notarial idarələrə tapşırığının nəticəsi sayır. 

Ekspertlər Bakıda keçirilmiş Beynəlxalq İqtisadi Forum ətrafındakı piarı rəsmi Bakının “ucuz təbliğatı və popilzimi” adlandırıblar. 

Neft gəlirləri ilə bağlı ölkədəki durumu şərh edən ekspertlər iqtidarı gələcək nəsillərin pulunu xıərcləməkdə ittiham ediblər.

“Zerkalo” hüquq- mühafizə orqanlarının hərbi ekspert Yaşar Cəfərliyə qarşı aprelin 2-də baş vermiş fiziki zorakılığı hələ də araşdırmadığını bildirir. 

“Ekspress” İran parlament üzvlərinin 1828-ci il Türkmənçay müqaviləsini ləğv edərək Azərbaycanın İrana ilhaqını nəzərdə tutan qanun layihəsi hazırlamalarını “hoqqabazlıq” adlandırır.

Ekspertlər Azərbaycanın neft satışından 84 milyard dollar qazandığını və onun 60%-ni atıq xərclədiyini bəyan ediblər. 

“Exo” 100 manatlıq əskinazların dövriyyədə xüsusi çəkisinin yüksək olduğunu yazaraq bunun kağız pulların çatışmazlığına səbəb olacağını bildirir.

“Novoe Vremya” son vaxtlar fəal siyasi gənclərə qaşrı rəsmi Bakının repressiyaları gücləndirməsinə “gənclik-iqtidarın hədəfində” mövqeyini ifadə edir.

“Bizim yol” İranın Azərbaycanı özünə birləşdirməsi üçün parlamentdə qanun layihəsi hazırlmasını manjetə çıxarıb. 

“Yeni Müsavat” həbsdə olan keçmiş nazirlər Əli İnsanov və Fərhad Əliyevin offşor zonalarda gizli hesablarının açıldığını yazaraq onların azadlığa çıxmalarının iqtidarla alver predmetinə dönəcəyini bildirir. 

Problemlərin həllilə bağlı dövlət başçısının nazirləri rayonlara səfərə göndərməsinə müxalif partiyaların yerlu qurumları “əgər problermləri yaradan bu nazirlər özləridirsə, hansı problemi həll edəcəklər?” mövqeyini ifadə ediblər.