![Mətbuat-monitorinq 10.04.15](https://turan.az/resized/media/2015/main/041000112184-750-500-resize.webp)
Mətbuat-monitorinq 10.04.15
Rəsmi qəzetlər dövlət başçısı İlham Əliyevin Birləşmiş Ərəb Əmirliklərinin səfirini fəaliyyətinin başa çatması ilə bağlı qəbul etməsi, inşaat işçilərinin bir qrupuna fəxri adlar verilməsi, medalla təltif olunmaları, Gəncə “İmamzadə” kompleksində işlərin tamamlanması üçün 5 milyon manat ayrılması haqda sərəncamlarının mətnlərini ilk səhifələrə yerləşdiriblər.
“Azadlıq” qəzeti “Comedy Woman”ı erməni layihəsi adlandıraraq onları Azərbaycana dəvət edən təşkilatçıları gizlənməkdə ittiham edib.
Qəzet xarici KİV təmsilçilərinin ölkəyə buraxılması haqda Azərbaycan XİN-in təsdiq etdiyi Qaydalara isnadən “arzuolunmaz” mətbuat təmsilçilərinin ölkəyə buraxılmaya biləcəklərini nəzərə çatdırır.
Qəzetin iddiasına görə, Sumqayıt, Quba və Xaçmazda daşınmaz əmlakın kütləvi dəyərləndirilməsi ölkə oliqarxlarının bu zona ilə bağlı hansısa gizli biznes planları ilə əlaqəlidir.
Qəzet Hesablama Palatasının hesabatına isnadən Bakı və Sumqayıt şəhər icra hakimiyyətlərinin ciddi mənimsəmə və yeyinti hallarına yol verdiklərini bildirir.
ABŞ-ın Azərbaycan səfirliyinin müəmmalı fəaliyyəti haqda rəsmi Kremlin bəyanatına səfirlik “bu bəyanatların əsası və dəyəri yoxdur” cavabı verib.
Manatın yenə də ucuzlaşacağı haqda son günlər yayılan şaiyələrlə bağlı əmanətlərin kütləvi şəkildə dollara keçirilməsi panikasını ekspertlər “kimlərinsə bu yolla külli miqdarda dolları ölkədən çıxarması” kimi dəyərləndirir.
“Ekspress” qəzeti ABŞ analitiklərinə isnadən Qarabağ məsələsində “kompromisin tükənməsi? müharibə ehtimalnın artması” qənaətini ön plana çıxarıb.
Qəzet ekspertlərə isnadən ölkədə yaşayış məntəqələrinin təxminən 300-350-sinin sürüşmə təhlükəsi olan zonalarda yerləşdiyini, 25-26% təhlükəli sürüşmə zonasının 5-10%-nin yeni yarandığını bildirir.
Energetika naziri Natiq Əliyev neft ucuzlaşandan sonra ölkənin illik gəlirlərinin 5-6 milyard dollar azalması bəyanatı səsləndirib.
“Exo” qəzeti ekspertlərə isnadən ölkə bazarlarındakı xarici məhsulların ən azı 30%-nin qeyri-leqal yollarla gətirilməsini diqqət mərkəzinə çəkib.
“Novoe Vremya” qəzeti deputat Vahid Əhmədovun 1 dolların 1,5-2 manat bərabər olacağı haqda xəbərdarlığını “deputatın devalvasiya-2 haqda peyğəmbərlik etməsi” sayaraq ön plana çıxarıb.
“Bizim yol” qəzeti ABŞ ekspertlərinə isnadən Qarabağ cəbhəsində müharibə başlamasının an məsələsi olmasını ilk səhifədə yerləşdirib.
Qəzet son günlərdə ölkədə dollar tapılmadığını və valyutadəyişmə məntəqələrinin müştəriləri əliboş yola saldıqlarını nəzərə çatdırır.
“Yeni Müsavat” qəzeti investisiya və büdcə vəsaitlərini talamağa görə dəmiryolu idarəsinin keçmiş rəisi, indi nəqliyyat nazirinin müavini Arif Əsgərovun həbs olunması təhlükəsi yaranmasını ilk səhifəyə çıxarıb.
Erməni terror təşkilatı ASALA-nın Çanaqqala döyüşlərinin 100 illiyilə bağlı Türkiyəyə gedəcək ölkələri hədələməsini qəzet bu hədəni Azərbaycana da aid edirlər.
Qəzet yazır ki, NİDA Hərəkatı bu gündən etibarən siyasi məhbuslara kütləvi məktub göndərilməsi kampaniyasına başlayır.
Mərkəzi Bankın manatla kredit verilməsinə qadağa qoymasını qəzet ekspetlərə isnadən “milli valyutanın taleyinin müəmmalı olması” kimi dəyərləndirir.
-
- İqtisadiyyat
- 10 Aprel 2015 01:37
-
- İqtisadiyyat
- 10 Aprel 2015 11:51
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz