![Mətbuat-Monitorinq 10.11.15](https://turan.az/resized/750/500/resize/media/2015/main/111000135875.jpg)
Mətbuat-Monitorinq 10.11.15
“Azadlıq” qəzeti İranın İRİB-2 telekanalındakı “Fitil” uşaq verilişində Azərbaycan türklərini təhqirə məruz qoymasına cavab olaraq Təbriz başda olmaqla Güney Azərbaycanın bütün şəhərlərində etiraz aksiyalarının başlamasını manjetə çıxarıb.
Bundan əlavə qəzet, MTN ətrafında, “Müsəlman Birliyi” ilə bağlı baş verən hadisələr barədə mövzulara geniş yer verib.
“MTN işi” ilə bağlı yazan qəzet məmurların bu qədər qanunsuzluqlara yol verə bilmələri məsuliyyətini ölkə başçısının daşıdığı qənaətini nəzərə çatdırır.
Qəzet rəsmi Bakının dünyaya inteqrasiya kursundan imtina etməsini “Əliyevin ölkəni təcridə aparan modeli” kimi dəyərləndirir.
Qəzet MTN-in Baş Əks-kəşfiyyat İdarəsinin şöbə rəisi Mirəziz Əsgərovun saxlandığını bildirir. Eyni zamanda MTN-in bəzi səlahiyyətlərinin DİN-ə veriləcəyi, ölkədə ancaq əks-kəfiyyatla məşğul olacaq Daxili Təhlükəsizlik Nazirliyinin (DTN) yaradılması haqda müzakirələrin getdiyini nəzərə çatdırır.
Müdafiə naziri Zakir Həsənov qurumun Təhlükəsizlik İdarəsinin şöbə rəisi Ağalar Manafovu qanunsuz dinləmələrlə bağlı vəzifəsindən azad edib.
“Müsəlman Birliyi” Hərəkatının rəhbəri Tale Bağırzadə son günlər quruma olan rəsmi təzyiqləri “rəsmi Bakının MTN-lə bağlı olayları gizlətmək üçün islamçıların üzərinə gəlməklə gündəmi dəyişmək səhdi” kimi şərh edir, həm də özünün üçüncü dəfə həbs oluna biləcəyini də istisna etmir.
Ekspertlər illik dövriyyələri 171-417 milyard dollar arasında olan dünyanın bir neçə nəhəng neft şikrətlərində ştat sayı 57-97 min nəfər arasında olduğu halda illik dövriyyəsi 39 milyard dollar olan SOCAR-ın 67 min ştata malik olmasına “ən az neft çıxaran, ən böyük ştata malik olan şirkət” mövqeyini ifadə edir.
Bu ilin aprelində könüllü hərbi xidmətə gedən, 7 aydan sonra vəfat edən əsgər Məhəmməd Siraclının ölümünə hərbi hissənin “ihtihar etməsi” iddiasına əmisi “axı, insan kürək hissədən özünə necə 3 dəfə atəş aça bilər?” sualı ünvanlayıb.
“Yeni Müsavat” “MTN işi” ilə bağlı mövzuya yer verib.
Qəzet MTN generalı Akif Çovdarovun gizli həbsxana saxlamasının üzə çıxmasını “MTN generalının “Quantanamosu” adı ilə diqqət mərkəzinə çəkib və bu şəxsin insan oğurluğu ilə məşğul olan böyük bir dəstəyə malik oduğunu qeyd edir.
Qəzet MTN generalı Akif Çovdarovun işdən azad olunmasını, həbsinə hazırlıq getməsini eks-nazir Eldar Mahmudovun həbsinə hazırlıq kimi dəyərləndirir.
Türkiyənin Azərbaycandakı keçmiş diplomatı Turqut Ər İranın cənubdan, Rusiyanın şimaldan Azərbaycanı sıxması ilə bağlı “müstəqilliyin təhlükədə olması” barədə xəbərdarlıq edib.
Qəzet İŞİD terror qruplaşmasına qoşulmaq istəyən Azərbaycanın 14 vətəndaşının Türkiyədə saxlandığını, onların arsaında qadın və uşaqların olduğunu bildirir.
Cəmiyyət
-
İyulun 19-da Bakıda və Abşeronda hava tutqun olacaq, yarımadada yağış yağa bilər. Havanın temperaturu gündüz müsbət 31+36 dərəcə olacaq. Şimal-qərb küləyi əsəcək. Gündüz rütubət 45-55 faiz arasında olacaq.
-
Azərbaycanda ətraf mühitin təmizliyinə ümumxalq və dövlət qayğısının zəruriliyindən çox danışılır. Hətta Ekologiya və Təbii Sərvətlər Nazirliyi də var ki, bəzən təbiəti və yaşayış məntəqələrini çirkləndirənlərin cərimələndiyini bildirir. Lakin dövlət öz vəzifələrini yerinə yetirmir. Belə ki, məişət tullantılarının toplanması və utilizasiyası üçün yer yaratmır, üstəlik əhalinin tullantıları gözdən uzaq yerə atmasını qadağan edir və paradoksal vəziyyət yaranır. Sakinlər ətraf mühitin mühafizəsi haqqında qanuna məhəl qoymamağa məcbur olur, dövlət isə buna görə onları cəzalandıra bilmir. Nəticədə hər gün təbiət öldürülür.
-
İyulun 16-na keçən gecən Sərhəd Qoşunlarının “Horadiz” sərhəd dəstəsinin sərhədçiləri qaçaqmalçılıq yolu ilə Azərbaycana 17 kiloqram marixuana gətirməyə çalışan Qazax rayon sakini Kamil Rəsulovu saxlayıblar.
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
Rəy yaz