BMT İşgəncələr Əleyhinə Komitə Azərbaycanda vəziyyəti müzakirə edəcək
Noyabrın 11-12-də Cenevrədə BMT-nin İşgəncələr Əleyhinə Komitəsində Azərbaycana dair müzakirələr keçiriləcək. Tədbir İnternetdə online yayımlanacaq.
BMT Bakı ofisindən Turan-a bildirilib ki, Azərbaycan İşgəncələr Əleyhinə Konvensiyanı ratifikasiya edən 158 ölkədən biridir. Bu səbəbdən Azərbaycan 10 müstəqil ekspert qarşısında müntəzəm hesabat verməlidir.
BMT Komitəsində Azərbaycan nümayəndə heyətilə görüş noyabrın 11-də saat 10:00-dan 13:00-dək (Bakı vaxtı ilə 13:00-dan 16:00-dək) və noyabrın 12-də 15:00-dan 18:00-dək, dekabrın 9-da 12:30-da olacaq.
Komitə sessiyanın yekunlarına dair mətbuat konfransı keçirməyi planlaşdırır. Azərbaycanla yanaşı Lixtenşteyn, Avstriya, Danimakra, Çin və İordaniya ilə yekun müzakirələr aparılacaq.
Qeyd edək ki, bundan öncə Human Rights Watch BMT-yə memorandum təqdim edərək Bakıdan repressiyalara son qoyulmasını, Leyla və Arif Yunuslar, İntiqam Əliyev, İlqar Məmmədov və digər siyasi məhbusların azadlığa buraxılmasını, QHT-lərin bank hesablarından həbslərin götürülməsini tələb etməyə çağırıb.-16D04-
Siyasət
-
İyulun 18-də Böyük Britaniyada Avropa siyasi birliyinin dördüncü sammiti açılıb. Britaniya baş nazirinin ofisinin məlumatına görə, tədbirdə 45 avropalı lider, həmçinin NATO, ATƏT və Avropa Şurasının nümayəndələri iştirak edəcəklər. Sammitin əsas mövzuları Ukraynada münaqişə, enerji təhlükəsizliyi, miqrasiyadır, məqsəd isə "Avropa daxilində və onun sərhədləri yaxınlığında münaqişə və qeyri-sabitliyə cavab olaraq birliyi qorumaqdır".
-
Aİ prezidenti Çarlz Mişelin keçmiş diplomatik müşaviri Maqdalena Qrono Aİ-nin Cənubi Qafqaz üzrə yeni xüsusi nümayəndəsi təyin edilib.
-
İyulun 16-da Azərbaycanın energetika naziri Pərviz Şahbazov İsrailin regional əməkdaşlıq naziri David Amsalemi qəbul edib.
-
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təlimi başa çatıb.
Rəy yaz