![Güney Azərbaycanda irqçilik əleyhinə etirazlar olub (Video)](https://turan.az/resized/750/500/resize/media/2015/main/111000135879.jpg)
Güney Azərbaycanda irqçilik əleyhinə etirazlar olub (Video)
Noyabrın 9-da İranda - Cənubi Azərbaycanın çoxsaylı şəhərlərində irqçilik əleyhinə etirazlar keçirlib. Təbriz, Urmiyə, Sulduz, Ərdəbil, Marağa, Xoy, Tehran və başqa şəhərlərdə keçirilən kütləvi aksiyalarda "Haray, haray mən türkəm!", "İrqçiliyə son qoyun!", "Azərbaycan milləti, çəkə bilməz bu zilləti!", “Azərbaycan əyilmez, türkün beli bükülməz!”, “Yaşasın Bütöv Azərbaycan!”
“Yaşasın Turan!”, “Azadlıq yaxındır!” kimi şüarlar səsləndiriblər.
Sosial şəbəkələrdə yayılan xəbərlərə görə, polis nümayişlərə müdaxilə edib. Ərdəbil və Təbriz şəhərlərində qarşıdurma zamanı yaralananlar var.
Xatırladaq ki, noyabrın 6-da İran Dövlət Televiziyasının 2-ci kanalında yayımlanan “Fitil” adlı televiziya komediyasında diş fırçası ilə tualet fırçası arasındakı fərqi bilməyən, dişlərini tualet fırçası ilə fırçaladığı üçün ağzı qoxuyan bir türk uşağı təsvir edilib. Komediya fars dilində olsa da bəzi bölümlərində türkcə dialoqlar da yer alıb.
Verilişin yayılmasından sonra Azərbaycan vilayətlərində başlanan etirazlar nəticəsində siyasətçilər və millət vəkilləri İran Dövlət Televiziyasına etiraz bildiriblər. Televizya rəhbərləri verilişin dayandırıldığını bildirib və üzr istəyiblər. Lakin bu İranda yaşayan on milyonlarla azərbaycanlını qane etməyib. Onlar küçələrə axışıb. Etirazçılar Dövlət Televiziyasının birbaşa bağlı olduğu, ölkənin ali dini rəhbəri Ayətulla Əli Xameneyinin üzr istəməsini və İran Ali Məclisində irqçiliyə qarşı qanun qəbul edilməsini tələb edib.
Etirazların noyabrın 10-da da davam edəcəyi gözlənilir. -03D-
Cənubi Azərbaycanda vəziyyət belədir
Posted by Bizim Yol on Tuesday, November 10, 2015
Cəmiyyət
-
İyulun 19-da Bakıda və Abşeronda hava tutqun olacaq, yarımadada yağış yağa bilər. Havanın temperaturu gündüz müsbət 31+36 dərəcə olacaq. Şimal-qərb küləyi əsəcək. Gündüz rütubət 45-55 faiz arasında olacaq.
-
Azərbaycanda ətraf mühitin təmizliyinə ümumxalq və dövlət qayğısının zəruriliyindən çox danışılır. Hətta Ekologiya və Təbii Sərvətlər Nazirliyi də var ki, bəzən təbiəti və yaşayış məntəqələrini çirkləndirənlərin cərimələndiyini bildirir. Lakin dövlət öz vəzifələrini yerinə yetirmir. Belə ki, məişət tullantılarının toplanması və utilizasiyası üçün yer yaratmır, üstəlik əhalinin tullantıları gözdən uzaq yerə atmasını qadağan edir və paradoksal vəziyyət yaranır. Sakinlər ətraf mühitin mühafizəsi haqqında qanuna məhəl qoymamağa məcbur olur, dövlət isə buna görə onları cəzalandıra bilmir. Nəticədə hər gün təbiət öldürülür.
-
İyulun 16-na keçən gecən Sərhəd Qoşunlarının “Horadiz” sərhəd dəstəsinin sərhədçiləri qaçaqmalçılıq yolu ilə Azərbaycana 17 kiloqram marixuana gətirməyə çalışan Qazax rayon sakini Kamil Rəsulovu saxlayıblar.
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
Rəy yaz