VHP İrandan təhqirə son qoymağı tələb edir

Vətəndaş Həmrəyliyi Partiyası (VHP) İranın İRİB-2  telekanalında Azərbaycan türklərinin təhqir olunması faktı ilə bağlı bəyanat yayıb.   

Sənəddə rəsmi Tehrandan aşağılayıcı, təhqiramiz siyasəti dayandırmaq, Azərbaycan türklərinə ana dilində təhsil almaq, öz mədəniyyətini açıq təbliğ etmək üçün şərait yaratmaq tələb edilir.
  Bu telekanalda yayımlanan “Fitilə” adlı komediya verilişində diş fırçası ilə tualet fırçası arasındakı fərqi bilməyən, dişlərini tualet fırçası ilə fırçaladığı üçün ağzı qoxuyan bir türk uşağının təsvir edilır. Müəlliflər bu münasibəti fars rejiminin Azərbaycan türklərinə münasibətinə adekvat sayırlar. Komedi verilişdəki türklərin aşağılanması farsların türkləri şüurlu şəkildə aşağılamaq, türk barədə barbar təsəvvürü yaratmaq səyi kimi şərh edilir.

1925-ci ildə hakimiyyəti çevriliş yolu ilə ələ keçirən Pəhləvi reyiminin “ali irq” illüziyasını hazırda islam pərdəsi altında fars şovinistlərin davam etdirdiyi vurğulanır. Sənəddə bu təhqirin İran KİV-lərində ilk dəfə olmadığı, müntəzəm olaraq özünü göstərdiyi deyilir.

Azərbaycan türklərinin ana dilində təhsilinə imkan verməyən, dövlət idarəçiliyində iştirakını məhdudlaşdıran, milli varlıq kimi türkləri yox etmək istəyən fars rejimi anlamalıdır ki, İrandakı 16 milyonluq fars, 40 milyonluq türkü istəsə də assimilyasiya edə bilməz. Sənəddə min illər boyu İranı idarə edən, dünyada 7 müstəqil dövlətə, 30-dan şox muxtar quruma sahib 300 milyon nəfərdən çox bir türk etnosunu  belə aşağılamaq İranın sonunu gətirmək kimi dəyərləndrilir.

Son olaraq sənəddə rəsmi Tehrandan aşağılayıcı, təhqiramiz siyasətə son vermək, Azərbaycan türklərinə ana dilində təhsil almaq, öz mədəniyyətini açıq təbliğ etmək üçün şərait yaratmaq tələb edilir.-05D-