Mətbuat-Monitorinq 11.04.15

Rəsmi qəzetlər dövlət başçısı İlham Əliyevin sədrliyi ilə Nazirlər Kabinetinin 2015-ci ilin I rübünün sosial-iqtisadi inkişafını yekunlarına və qarşıdakı vəzifələrə dair iclasla bağlı xəbərləri ilk səhifələrdə yerləşdiriblər.

“Azadlıq” qəzeti erməni layihəsi hesab etdiyi “Comedy Woman”ın erməni truppasını Bakıya dəvət edən şəxsin xüsusi mühafizə idarəsinin rəisi general Vaqif Axundvun oğlu Murad Axunodv olması iddiasını ilk səhifəyə çıxarıb.

Media ekspertləri xarici jurnalistlərin ölkəyə girişlərinin sərtləşdriməsi haqda Azərbaycan XİN-in Qaydalarına “tənqidçi xarici jurnalistlərin  ölkəyə buraxılmamasını gizləmək, üstündən sakit keçmək mümkün olmayacaq” mövqeyi bildiriblər. “Human Rights Watch” təşkilatının Avropa və Mərkəzi Asiya üzrə direktoru Hugh Villiamson Azərbaycanda insan haqlarının hazırkı durumunu “böhran səviyyəsinə çatması” kimi dəyərləndirib. Qəzet Azərbaycandakı repressiyaların aprelin 28-də Londnonda müzakirəyə çıxarılacağını yazır.

Qəzet qeyd edir ki, Azərbaycan dövlətinin qurucusu Məhəmməd Əmin Rəsulzadənin Bakı metrosunun “Bakmil (depo)” ərazisindəki büstü dağıdılıb, yerində Heydər Əliyevin büstü qoyulub. Hesablama Palatası səhiyyə nazirlyinin fəaliyyətində büdcə vəsiatlərinin təyinatının dəyişdirilməsi, anbarlarda mal çatışmazlığı və s. kimi pozuntuların aşkarlandığını qeyd edir. Ölkənin ərzaq tələbatının 80%-ni yelri istehsalın ödəməsi haqda rəsmi Bakının  açıqlamasına ekspertlər “ərzaq bazarının azı 50%-nin idxaldan asılı olduğu” qarşılığı veriblər.

Qəzetə müraciət edən Qusar rayon sakini Maksim Ağakişiyev Sabir Fərəzliyev adlı sakinin oğlanları tərəfindən təzyiqlərə məruz qaldığını, bu işin arxasında PA-nın rəhbəri Ramiz Mehdiyevin durduğunu iddia edir, sakin təzyiqləri “azsaylı xalqların təmsilçilərini ata-baba torpaqlarından köçürmək cəhdi” adlandırır.      

“Ekspress” qəzeti Bakının Zığ şossesindəki 9 mərtəbli binanın yanmasını ön plana çıxarıb.

“Novoe Vremya” qəzeti Avropa Oyunları öncəsi yeni əfv fərmanı olacağı haqda xəbərləri “hakimiyyətin yenidən gözə kül üfürməsi” sayaraq diqqət mərkəzinə çəkib.

“Bizim yol” qəzeti Bakının Zığ şossesindəki 9 mərtəbli binanın yanmasını ilk səhifədə yerləşdirib.

Dövlət qururmlarındakı pozuntularla bağlı Hesablama Palatasının faktları ortaya qoymasına baxmayaraq heç kəsin cəza almamasını qəzet “məmurların cəzadan kənarda qalması” kimi dəyərləndirir. Qəzet ekspertlərə isnadən ölkənin şəhər və  rayonlarında daşınmaz əmlakın kütləvi şəkildə qiymətləndirilməsini daşınmaz əmlak bazarını vergiyə cəlb etmək layihəsi kimi dəyərləndirir.

Gəncə sakini Pərviz Hüseynovun evi naməlum şəxslər tərəfindən partlayıcı ilə partladılıb, hadisəni kimlərin törətdiyi hələ məlum deyil.

“Yeni Müsavat” qəzeti manatın devalvasiyasını “məcburi devalvasiya” adlandırır və “Qərbə qarşı “Azərbaycanda “pul inqilabı” həyata keçrimək” ittihamını ilk səhifəyə çəkir.

Qəzet ABŞ-ın “The National İnterest” jurnalının Qarabağ münaqişəsi fonunda Ermənistan-Azərbaycan münasibətlərini təhlil edərək “Azərbaycanın erməni ordusunu darmadağın edəcəyi” qənaətini diqqətə çatdırır.