2012-ci ildən Sumqayıtda fəaliyyət göstərən Gilan Tekstil Parkı holdinq şirkətdən ayrılıb və müstəqil təsərrüfat subyekti kimi fəaliyyət göstərir. Ayrıca hüquqi şəxs yaradılması işi ( “Gilan Tekstil Parki” MMC) fevralda başa çatıb, deyə Vergilər Nazirliyi bildirir.
Turan-ın məlumatına görə, müsəssisənin işçilərinin heç də hamısı yeni işəgötürənlə əmək münasibətlərinə malik deyil. 0,5 min işçidən yalnız bir hissəsi əmək müqaviləsi bağlayıb. Xatırladaq ki, tekstil fabriki qanunvericiliyə zidd olaraq, 2013-cü ilin sentyabrından, “Gilan” MMC-nin tərkibində 10 aylıq fəaliyyətdən sonra işçilərlə əmək müqaviləsi bağlayıb.
Tekstil Parkında yerli pambıqdan tekstil məhsulları istehsal edilir. Müəssisənin bazasında toxuculuq, boyaçı və tikiş fabrikləri var. Müəssisədə Giltex ticarət nişanı ilə yataq qarnituru, uniformalar istehsal edilir. Deyilənə görə, istehsalda sağlamlığa zidd kimyəvi məhsullardan istifadə edilmir.
Hazırda I Avropa Oyunları Təşkilat Komitəsinin sifarişi ilə 110 min kişi və qadın polo və futbolkaları tikilir. Sifarişin bir hissəsini holdinqin “Qala Trikotaj” müəssisəsi həyata keçirir.
Tekstil Parkı bir növbəli işləyir. Orta aylıq maaş 280 manatdır. İşçilərə pulsuz yemək verilir. Menecment əsasən Türkiyədən dəvət edilmiş mütəxəssislərdən ibarətdir.
Gilan Tekstil Parkı tam gücü ilə işləyəndən sonra Azərbaycana yataq ləvazimatı idxalı minimuma endirilib. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz