![Mətbuat-Monitorinq 11.09.12](https://turan.az/resized/750/500/resize/media/2012/main/091100010701.jpg)
Mətbuat-Monitorinq 11.09.12
Rəsmi qəzetlər dövlət başçısı İlham Əliyevin Qax, Zaqatala, Şəki Qəbələ rayonlarına səfərləri haqda yazıblar.
“Azadlıq” qəzeti Dövlət Neft Şirkətinin quruma borclarına görə Fövqəladə Hallar, Nəqliyyat, Ədliyyə, Maliyyə, Səhiyyə, Təhsil nazirlikləri, “Azəryolservis”lə məhkəmədə çəkişməsini “Rövnəq Abdullayevin məmurlara ”müharibə elan etməsi” adlandırır.
Qəzet rayon mərkəzinə yaxın kəndləri mərkəzə birləşdirməklə iqtidarın ölkə boyu şəhər salmaq layihəsini “yeni korrupsiya mənbəyi” adlandırır.
Polisə istinadən bildirilir ki, Masallıda beynəlxalq folklor festivalını pozmaq istəyən 3 dindara qarşı cinayət işi qaldırılıb. Onlardan biri - Araz Quliyev diniyönlü “xeber44.com”un rəhbəridir.
İctimai Palata cəmiyyətin bütün aktiv qüvvələrini İlham Əliyevin 3-cü dəfə prezidentliyə namizədliyinə qarşı ortaq mövqe nümayiş etdirməyə çağırıb.
14 saylı həbsxanada dözülməz şəraitə görə qiyam baş verib, həbsxanaya qoşun yeridlib.
“Zerkalo” ABŞ-ın Azərbaycan səfiri Riçard Morninqstar erməni-terror təşkilatı ASALA-nın Azərbaycanın Macarıstan səfirliyini hədələməsindən narahatlığını ifadə edib.
“Ekspress”. Keçmiş siyasi dustaq, hüquq müdafiəçisi Eynulla Fətullayev 14 saylı həbsxanada baş verən qarşıdurmanı “köhnə dustaqların “obşak”ı qaytarmaq istəməsi”nin nəticəsi adlandırıb.
“Exo”. Erməni tərəfi 2016-cı il dünya şahmat olimpiadasının Bakıda keçirilməsinə mane olmaq istəsələr də bu, alınmayıb, bundan sonra isə Bakıda yarışlara qatılmayacaqlarını bildiriblər.
“Novoe Vremya”. Təhsil naziri Misir Mərdanov repetitorluğun təhsilin nüfuzuna mənfi mənada ciddi təsir göstərdiyini bəyan edib.
“Bizim yol” Türkiyənin baş nazirinin Bakıda yox, Qəbələdə qarşılanacağını “Qəbələnin ölkənin ikinci paytaxtına dönməsi” kimi dəyərləndirir.
Penitensiar Xidmət 14 saylı həbsxanada baş vermiş qiyamın zorla yatırılmasını inkar etsə də, hüquq müdafiəçisi Elçin Behbudov qiyamın distaqlara zor tətbiq edilməklə yatırıldığını təsdiqləyib.
Qəzet ekspertlərə istinadən iqtidarın hazırladığı səhmdar cəmiyyətlərinin sıradan çıxarılması qaydasının 10 minlərlə səhmdarın haqlarının pozulmasının qaçılmaz olacağı barədə xəbərdarlıq edir.
“Yeni Müsavat” Şəki-Zaqatala bölgəsinin qeyri-rəsmi “qubernatoru” bankir Cahangir Hacıyevin kənarlaşdırıldığını, onun yerini nazir Kəmaləddin Heydərovun tutduğunu yazır.
“Azadlıq” qəzetinin “Azərbaycan” nəşriyyatına borcunu ödəmək üçün vaxtın uzadılmasını redaktor Rahim Hacıyev “oksigen əldə etmələri” kimi dəyərləndirib.
“Bakı Xəbər” ölkənin bank sisteminə tətbiq ediləcək yeni normativin tələblərinə əsasən azı 19 bankın bağlanmasının qaçılmaz olacağı barədə xəbərdarlıq edir.
-
- Cəmiyyət
- 11 Sentyabr 2012 12:45
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz