İlham Əliyev və Rəcəb Tayyip Ərdoğan Qəbələdə Türkmənistanın TANAR layihəsində iştirakını müzakirə edəcəklər
Çərşənbə axşamı Türkiyənin baş naziri Rəcəb Tayyip Ərdoğanın Azərbaycana başlayan ikigünlük səfəri zamanı Bakı və Ankara arasında ikitərəfli iqtisadi münasibətlər, əsasən təbii qaz nəqli diqqət mərkəzində olacaq.
Prezident İlham Əliyevlə R.T.Ərdoğanın danışıqları Bakıda deyil, Qəbələdə olacaq.
İ.Əliyev artıq iki gündür ki, bölgədə qonağı gözləyir. Qəbələ Ərdoğanın ilk dayanacağı olacaq və orada Ərdoğan və İ.Əliyevin birgə sədrliyi ilə Azərbaycan-Türkiyə Strateji Əməkdaşlıq Şurasının (SƏŞ) ilk iclası keçiriləcək. Sonra Ərdoğan Şəkiyə gedəcək və orada ikitərəfli danışıqlar davam edəcək.
Qəbələ və Şəkidə iclaslar zamanı SƏŞ-in İzmirdə keçirilən ötənilki iclasında qəbul edilmiş qərarların reallaşması məsələsinə baxılacaq. Bu barədə “Anadolu” agentliyi anonim mənbələrə istinadən bildirib.
İşçi qrupları iki ölkə arasında ticarətin həcminin artırılması üzrə tədbirləri, həmçinin Xəzər qazının Türkiyənin qərbinə nəqli üçün 7 milyardlıq Transanadolu qaz kəmərinin (TANAP) inşasına dair sazişin şərtlərini müzakirə edəcəklər.
“Hurriyət” qəzetinin məlumatına görə, bu, Ərdoğanın səfərinin gündəliyinin mühüm bəndlərindən biridir. Qeyd edək ki, təxminən bir həftə əvvəl Azərbaycan, Türkiyə, Türkmənistan və Avropa İttifaqının yüksək vəzifəli nümayəndələri Aşqabadda Türkmənistanın da TANAP-a qoşulmasının və Avropanın qazla təmin olunması layihəsində iştirakının mümkünlüyünü müzakirə ediblər. Bu, Transxəzər boru kəmərinin inşasını nəzərdə tutur.
Azərbaycanda danışıqlardan sonra Ərdoğan Kiyevə gedəcək və Ukrayna prezidenti Viktor Yanukeviçlə görüşəcək. Sonra Ərdoğan Krıma səfər etməyi planlaşdırır. Sentyabrın 14-də orada Yalta Avropa Strategiyasının (YES) 9-cu illik müşavirəsində iştirak edəcək.-02V-
-
- Foto sessiyalar
- 11 Sentyabr 2012 11:23
-
- Cəmiyyət
- 11 Sentyabr 2012 12:32
Siyasət
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
-
Azərbaycan Prezidenti İlham Əliyevin 27 yaşlı oğlu Heydər Əliyev, sentyabrın 26-da ilk dəfə yüksək səviyyəli iqtisadi məsələlər üzrə müşavirədə iştirak edərək, əhəmiyyətli bir ictimai görünüş nümayiş etdirdi. Anası, Birinci vitse-prezident Mehriban Əliyevanın yanında oturan Heydər Əliyevin müşavirəyə qatılması onun dövlət işlərində artan iştirakına dair suallar doğurdu.
Rəy yaz