Mətbuat-Monitorinq 12.04.12

Rəsmi və hökumətyönlü qəzetlər dövlət başçısı İlham Əliyevin “GATEF-2013” I Xəzər beynəlxalq su texnologiyaları sərgisində iştirakını manjetə çıxarıblar. Dövlət başçısının deputatlar Cavanşir Paşazadənin və Gülçöhrə Məmmədovanın “Şöhrət” oredenilə təltif edilməsi haqda sərəncamlar da bu qəzetlərdə yer alıb. 

“Azadlıq” qəzeti ilahiyyatçı Taleh Bağırzadənin deputat Zeynəb Xanlarovanın bağını yandırmasında ittiham olunmasına deputatın “kimi tutmaq istəyirsinizsə, kişi kimi öz adınızdan tutun, mənim adımı bu işə qatmayın” mesajını manjetə çıxarıb.

Saatlıdan əsgəri xidmətə çağrılan və cəmi 8 günün əsgəri olan Fərman Hüseynov intihara cəhd edib, intiharın motivi bəlli deyil. 

Lənkəran rayon polisinə aparılan rayon sakini Cəmil Babayev özünü 4-cü mərtəbədən ataraq intihara cəhd göstərib, vəziyyəti ağırdır, yaxınları onun intihar etməsinə inanmır, işgəncəyə məruz qaldığını bildirirlər.   

Avropa Birliyinin offşor hesablara savaş açdığını yazan qəzet bunu “gizli biznes sahiblərinin qara günlərinin başlaması” kimi dəyərləndirir. 

Füzuli rayon sakinləri rayon icra başçısı Alı Alıyevi yalan vədlərinə görə qovub və yumurta atəşinə tutublar.

“Zerkalo” İranla Azərbaycan arasında durumun gərginlyini “Azərbaycan və İranın müharibə yoluna çıxması” kimi dəyərləndirərək “bunu gözləmək olardı” mövqeyini ifadə edir.

“Ekspress” suya ödəniş qiymətlərinin artacağını, “Azərsu”nun Tarif Şurasına müraciət edəcəyini nəzərə çatdırır. 

“Novoe Vremya” ölkənin hüquq-mühafizə orqanlarının fəal vətəndaş mövqeyi olan insanları həbsə alması üçün ağılasığmaz ittihamlara əl atmasını “acı gülüş” adlandırır.

“Bizim yol”  Hesablama Palatasının Memarlıq və İnşaat və Dillər universitetlrəində büdcə oğurluqlarının aşkarlanmasını ilk səhifəyə çıxarıb. 

“Əl-Qaidə” terror təşkilatının üzvü olan iki azərbaycanlı Türkiyədə yaxalanıb. 

“Yeni Müsavat” rəsmi Bakının özünə rəqib saydığı şərti “milyarderlər ittifaqı”nın üzvü, “LUKoyl” şirkətinin prezidenti Vahid Ələkbərova görə şirkətin Bakıdakı YDM-nin bağlamasını manjetə şıxaırb.

Rəsmi Bakının ATƏT-in Bakı ofisinin statusunu dəyişmək cəhdinə Avropadan sərt etirazlar gəlməsini ekspertlər “ATƏT-ə hücumun iflas olması” sayırlar. 

Tanınmış siyasətçi İbrahim İbrahimli Naxçıvanda fiziki zorakılığa məruz qalması faktını inkar edən hüquq-mühafizə orqanlarının bəyanatına “bu açıqlama bir daha hadisəni iqtidarın təşkil etdiyini təsdiqləyir” cavabını verib.