![OL! Hərəkatı Baş Prokurorluğa cavab verib](https://turan.az/resized/media/2013/main/041200034494-750-500-resize.webp)
OL! Hərəkatı Baş Prokurorluğa cavab verib
Aprelin 11-də OL! hərəkatı bu qurumun və Azad Fikir Universitetinin (AFU) yoxlanmasına dair Baş Prokurorluğun məlumatı ilə bağlı bəyanatla çıxış edib.
Xatırladaq ki, Baş Prokurorluğun məlumatında OL! hərəkatının qanunsuz fəaliyyət göstərməsi, dövlət qeydiyyatının olmaması, xarici donorlar tərəfindən ayrılan vəsaitdən istifadə barədə hesabatlılığın təqdim olunmaması göstərilib.
OL! öz bəyanatında qeyd edir ki, bu qurum sadəcə bir hərəkatdır, strukturu, nizamnaməsi olan QHT deyil. Prokurorluğun bəyanatında qeyd edilən “xüsusatlar” qeydiyyatdan keçmiş QHT-lərin fəaliyyətinə aid ola bilər. OL! isə gənclər hərəkatıdır və
Azərbaycan qanunvericiliyində bu formada hansısa qurumların qeydiyyatına dair mexanizm ya hüquqi norma yoxdur. Onu da qeyd edək ki, bu gün Azərbaycanda qeydiyyatdan keçməmiş qeyri-kommersiya qurumunun fəaliyyətini qadağan edəcək heç bir norma da yoxdur. Yalnız bu il martın 11-də qüvvəyə minən qanunvericiliyə görə qeydiyyatdan keçməyən təşkilatın qrant almasına görə inzibati məsuliyyət nəzərdə tutulur ki, AFU da bu tarixdən heç bir qrant almayıb. Yeni qanunvericiliyin köhnə tarixə tətbiq edilməsi də hüquqən nəzərdə tutulmayıb.Yeni qanunvericiliyin tələbinə uyğun olaraq AFU-nun fəaliyyətinin davam etməsi üçün OL! son vaxtlar hüquqi yollar üzərində iş aparırdı. Bu baxımdan Prokurorluğun AFU-nun ofisini bağlaması tam əsassızdır. Ofisin bağlanması baş verərsə, buna müvafiq olaraq niyə bağlanması əsaslandırmalı, qapının və plombun qorunması kiməsə tapşırmalı və ən əsası, ofisin bağlanması barədə məhkəmə qərarı olmalıdır.
O ki qaldı, prokurorluğun Azad Fikir Universitetinin bağlaması xəbərini “həqiqəti əks etdirmədiyindən qəti şəkildə təkzib” etməsinə, AFU-nun öz fəaliyyətini bərpa etməsi üçün Prokurorluq orqanlarını AFU-nun ofisinə vurduğu möhür və plombu sökməsinə və ofisi yenidən AFU dinləyicilərinin üzünə açmasına çağırırıq.-06
-
- Cəmiyyət
- 12 Aprel 2013 11:31
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz