Rəsmi qəzetlər ölkə gənclərinin orduda əsgər ölümlərinə etiraz aksiyasına “əsgərin ölümündən siyasi məqsəd üçün istifadə etmək onun ruhuna hörmətsizlikdir” mövqeyini ifadə ediblər.
“Azadlıq” qəzeti orduda əsgər ölümlərinə etiraz olaraq Bakıda keçirilən mitinqi “izdihamlı mitinq” kimi dəyərləndirir. AXCP sədri Əli Kərimli bu aksiyanı “iqtidarın xalqın gücünü görməsi” adlandırır. Qətlə yetirilmiş əsgər Ceyhun Qubadovun anasının ekrandan aksiya əleyhinə danışmasını qəzet “iqtidardan növbəti mənəviyyatsız hərəkət” kimi qiymətləndirir. Mərhum əsgər C.Qubadovun anasının əsgər ölümlərinə etiraz aksiyasına getməmək çağırışına oğlu bur müddət öncə hərbi xidmətdə öldürülmüş Abasət Əliyev “bu qaniçənlərin vədlərinə inanmayın, mənim də oğlumu öldürüblər, amma təqsirkarlar hələ də cəzasız qalır” cavabını verib.
Vətəndaş cəmiyyəti institutları ölkədəki durumu “ölkənin hərtərəfli xaos mərhələsində, ölkədə kriminal mahiyyətli mafioz iqtidarın olması” kimi şərh ediblər.
Qəzet bir çox müxalifətyönlü saytlara kiber hücumlarını “iqtidardan saytlara total hücum” kimi dəyərləndirir.
“Yeni Müsavat” Müsavat Partiyası Lənkəran rayon təşkilatının 20 illik yubilyelə bağlı rayona gedən partiya başqanı İsa Qəmbərin kortejinə mülki geyimlilərin hücum etdiyini, maşının əzildiyini, partiya funksonerlərinin xəsarət aldığını manjetə çıxarıb. Qəzet bu hadisəni “seçki ilinin Lənkəranda quldur basqını ilə başlaması” kimi dəyərləndirir, siyasi ekspertlər hadisəyə “İsa Qəmbərə sui-qəsd, iqtidarın öyrətdiyi adamların hücumu” mövqeyini ifadə ediblər. İsa Qəmbər özü isə hadisəni “iqtidarın simasını nümayiş etdirməsi” kimi dəyərləndirib.
Müxalifətə qarşı hücumları ilk dəfə 2003-cü ildə PA rəhbərinin müavini Zeynal Nəğdəliyevin tətbiq etdiyini yazan qəzet İ.Qəmbərə qarşı son hücumu da onun təşklil etdiyini bildirir.
Qəzet. Politoloqlar əsgər ölümlərinə etiraz aksiyasını “12 yanvar aksiyası illərdir yaranan qəzəbin təzahürü” kimi dəyərləndiriblər. Aksiyada iştiraka görə saxlanılan 10 gəncə yeni qüvvəyə minən yüksək həcmli cərimələr tətbiq oluna bilər.
Azərbaycanda “Facebook” sosial şəbəkə istifadəçilərinin sayı 960 min nəfərə yaxındır.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz